Novas

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Os empresarios da Tecnópole aprenden a manexar as ferramentas da internet 2.0 e a súa aplicación aos negocios

Unha ducia de empresarios da Tecnópole participaron durante a mañá de hoxe nun obradoiro sobre habilidades na internet 2.0 a cargo do experto en novas tecnoloxías Genís Roca. A sesión volverá repetirse para atender a elevada demanda de prazas que quedou sen cubrir por causa do carácter práctico da formación, que esixe un número reducido de asistentes.

As caixas de aforros galegas entran no accionariado de Tecnópole cun 41,56% do capital

Caixanova e Caixa Galicia son desde hoxe accionistas do Parque Tecnolóxico de Galicia –Tecnópole-, en virtude do proceso de ampliación de capital polo que cada unha delas asume o 20,78% dos títulos da sociedade e que foi ratificado esta mañá pola Xunta de Accionistas da entidade.

Tecnópole e AIMEN divulgan as vantaxes da eficiencia enerxética entre os empresarios galegos

O Parque Tecnolóxico de Galicia –Tecnópole- e o Centro Tecnolóxico AIMEN organizan unha xornada divulgativa sobre a eficiencia enerxética na industria o vindeiro 27 de xaneiro en horario de tarde. As sesións, que terán lugar nas instalacións de Tecnópole, no concello ourensán de San Cibrao das Viñas, serán gratuítas e a inscrición estará aberta ata a véspera da xornada.

A Consellería de Innovación e Industria colaborará en materia de I+D+I e de parques tecnolóxicos coa rexión centro de Portugal

A Consellaría de Innovación e Industria colaborará en materia de ciencia e innovación cos principais axentes de I+D+i de Coimbra. Así o establece o protocolo asinado esta mañá por Salustiano Mato, director xeral de Investigación, Desenvolvemento e Innovación da Consellaría, cos representantes da Universidade de Coimbra, do Parque de Innovación de Coimbra (iParque), do goberno municipal e da Comisión de Coordinación e Desenvolvemento da Rexión Centro de Portugal.

Tecnópole ábrelles as portas da I+D+i ás empresas dos polígonos industriais galegos

Tecnópole acaba de rematar un proxecto piloto de detección de oportunidades de I+D+I no Polígono Industrial de Pereiro de Aguiar (Ourense) polo que se realizou un diagnóstico de nove das súas empresas, é dicir, cerca da metade do total das situadas no recinto.

As enerxías limpas arrasan no concurso de proxectos da Galiciencia

Os investigadores mozos galegos arrasaron no concurso de proxectos da Galiciencia, a feira da ciencia organizada pola Tecnópole, con dous proxectos baseados nas enerxías limpas. Os alumnos do Colexio Guillelme Brown de Pereiro de Aguiar (Ourense) e do Colexio Alborada (Vigo) fixéronse co primeiro e segundo premio, respectivamente, como resultado da votación realizada polos visitantes da exposición ao longo dos tres últimos días.
 

Un cento de investigadores mozos defenden os seus proxectos na Galiciencia para levar o premio outorgado polo público

Os equipos de investigadores mozos responsables dos 34 proxectos que se expoñen a partir de hoxe e ata o vindeiro xoves na Galiciencia compiten desde os seus stands para convencer aos máis de 2.700 visitantes que se prevé recibir estes tres días no Auditorio de Ourense para que lles voten e levar así algún dos premios reservados aos mellores.

A Galiciencia dá a benvida ao cento de investigadores mozos que expoñerán 34 proxectos ante máis de 2.700 persoas

A Galiciencia abrirá o vindeiro martes día 18 de novembro as súas portas no Auditorio de Ourense con 34 proxectos de investigación defendidos por un cento de alumnos de Secundaria chegados de toda Galicia e de Cataluña cos seus titores. Cada un dos equipos de investigadores mozos contará cun expositor no que amosará os resultados do seu traballo a través de maquetas, circuítos, murais e outros moitos soportes.

Páxinas