Novas

Buscar

Susbcrición Newsletter

Introducir e-mail

Os alumnos do Máster de Creación de Empresas da Universidade de Vigo coñecen a experiencia dos emprendedores de Tecnópole

Os alumnos do Máster Oficial en Creación, Dirección e Innovación na Empresa da Universidade de Vigo trasladáronse hoxe a Tecnópole para coñecer de cerca a actividade do Parque Tecnolóxico de Galicia e dos emprendedores que están a iniciar o seu negocio nos niños do seu Centro de Empresas e Innovación (CEI).

Tecnópole súmase á campaña 'Informática solidaria'' e anima as súas empresas a achegar recursos

No marco da súa política de Responsabilidade Social Corporativa, Parque Tecnolóxico de Galicia sumouse á campaña de recollida de equipos 'Informática solidaria'', que está sendo difundida entre as empresas situadas en Tecnópole para contribuír ao envío de ordenadores e equipamento auxiliar a países en vías de desenvolvemento.

As empresas de Tecnópole infórmanse sobre a rede de vixilancia tecnolóxica Enterprise Europe Network

As empresas de Tecnópole tiveron ocasión hoxe de informarse sobre as posibilidades da rede europea Enterprise Europe Network nun almorzo tecnolóxico organizado por Parque Tecnolóxico de Galicia. Esta rede está xestionada no Noroeste peninsular polo consorcio Galactea Plus, ao que Galicia se sumou a través do centro tecnolóxico CIS-Galicia.

Unha empresa da Tecnópole publica o libro máis descargado en internet sobre a tecnoloxía WiMAX

Quobis Networks, a enxeñería galega de  telecomunicacións especializada na integración de redes con laboratorio técnico na Tecnópole –Parque Tecnolóxico de Galicia-, acaba de facer pública a segunda edición do informe técnico 'WiMAX: a revolución inalámbrica... ¡e  móbil!'.

Tecnópole supera por primeira vez o millón de euros en ingresos propios e consegue unha autonomía financeira do 50%

Os ingresos xerados por Tecnópole á marxe da subvención da Consellería de Innovación e Industria para garantir o normal funcionamento do Parque durante o exercizo 2008 superaron por primeira vez o millón de euros, un 38% máis que o ano anterior. Do total destes ingresos, 708.000 euros correspóndenlle á facturación por alugueres e servizos prestados e arredor de 355.000 euros a proxectos realizados.

Tecnópole e AIMEN difunden as axudas á mellora da competitividade dispoñibles para as Pemes galegas

O Parque Tecnolóxico de Galicia –Tecnópole- e o Centro Tecnolóxico AIMEN organizan unha xornada de difusión sobre as axudas á mellora da competitividade empresarial habilitadas polo Instituto Galego de Promoción Económica (IGAPE).

O programa de emprendemento de Tecnópole coa EOI pecha con doce plans de negocio e seis empresas constituídas

Os doce alumnos que aprobaron o programa de formación en creación e consolidación de empresas que Tecnópole –Parque Tecnolóxico de Galicia- promoveu xunto coa Escola de Organización Industrial (EOI) durante todo o 2008 recolleron esta mañá os seus diplomas.

Tecnópole renova as súas Certificacións en Calidade e Medio Ambiente e promove un código de boas prácticas

As auditorías realizadas por Bureau Veritas durante o mes de xaneiro en Tecnópole concluíron coa renovación das certificacións que xa en 2007 a fixeron pioneira no ámbito dos parques empresariais en materia de calidade e medio ambiente: a Certificación de calidade UNE-EN ISO 9001:2000, a Certificación de medio ambiente UNE-EN ISO 14001:2004 e o recoñecemento de cumprimento do Regulamento EMAS.

Páxinas