A plataforma de micro-aforro Coinscrap, fundada en 2017 pola empresa de Tecnópole TxStockData, pechou unha rolda de financiamento de 180.000 euros na que participaron Indexa Capital, Fernando Cabelo-Astolfi (Aplazame) e BBooster Ventures.
A empresa iforest, con sede en Tecnópole, gañou o segundo premio do concurso Start4Wood coa súa plataforma de dixitalización para a industria forestal e da madeira. O certame tivo lugar no marco da feira Asturforesta, no que outra empresa galega, Aleutos, se fixo co primeiro premio cunha aplicación para a xestión de parcelas denominada Smartwood.
A Galiciencia vén de ser seleccionada finalista entre as dez solucións máis inspiradoras do mundo pola Asociación Internacional de Parques Científicos e Tecnolóxicos (IASP). A feira científica de referencia en Galicia é organizada anualmente por Parque Tecnolóxico de Galicia-Tecnópole co apoio da Consellería de Economía, Emprego e Industria e a Fundación Española de Ciencia e Tecnoloxía (Fecyt). Con 14 anos de traxectoria percorrida, a Galiciencia disputa o primeiro posto con iniciativas doutros oito países.
Unha aplicación móbil para que os empregados poidan fichar co smartphone. Este é o último lanzamento de Primux, empresa tecnolóxica que concibiu esta nova app no seu centro de I+D, situado no Parque Tecnolóxico de Galicia-Tecnópole (Ourense).
Esta ferramenta busca facilitarlles ás empresas, e en especial ás pemes, o cumprimento da nova normativa de control obrigatorio da xornada laboral dos seus traballadores.
A web de Tecnópole conta cunha nova sección orientada á difusión de ofertas entre as súas empresas. A partir de agora, calquera empresa ou emprendedor con sede no Parque Tecnolóxico de Galicia poderá publicar as promocións especiais dirixidas ao resto de empresas domiciliadas aquí e/ou aos seus traballadores de forma totalmente gratuíta e a través dun sinxelo formulario.
Parque Tecnolóxico de Galicia-Tecnópole reabre a piscina situada nas súas instalacións a partir de mañá, en horario ininterrompido de 12 a 21 horas todos os días da semana. Mañá sábado e o domingo o acceso será gratuíto, para darlles a benvida de novo a todos os usuarios e usuarias que demandaban a reapertura da piscina.
Parque Tecnolóxico de Galicia-Tecnópole e o Consello Social da Universidade de Vigo inician unha nova liña de colaboración para levar a cabo iniciativas conxuntas de divulgación científica entre os máis novos. A posta en marcha desta alianza escenificouse co lanzamento dun globo estratosférico por parte dos alumnos das Aulas Tecnópole, ao que asistiron a directora da Axencia Galega de Innovación (GAIN) e conselleira delegada de Parque Tecnolóxico de Galicia, Patricia Argerey; o presidente do Consello Social da Uvigo, Ernesto Pedrosa; e o director xerente de Tecnópole, Ricardo Capilla.
A empresa Akunatura, instalada no Laboratorio de Biotecnoloxía de Tecnópole, organiza entre finais do mes de maio e principios de xuño un curso sobre mantemento hixiénico-sanitario de instalacións de risco fronte a legionella.
O curso diríxese ao persoal encargado do mantemento hixieÏnico-sanitario de instalaciÛns sensibles, co obxectivo de que poidan tomar as medidas de prevencioìn e control ante o risco de infección por legionella. Ademais, adestraráselles nos protocolos de actuacioÏn especiÏficos en funcioÏn do tipo de instalacioÏn.
