Novas

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Senseitrade pecha unha rolda de financiamento liderada por Abanca

A tecnolóxica galega Senseitrade, con sede en Tecnópole baixo a denominación social Txstockdata, pechou un acordo con Abanca para o lanzamento dunha nova plataforma de investimento en bolsa cun modelo de negocio innovador. Grazas a esta colaboración, a entidade financeira apoiará á startup galega tanto dende o punto de vista tecnolóxico como o financeiro, liderando unha rolda de financiamento a través do seu vehículo investidor Abanca Invest.

Edesdev-Sineldent destina 3 millóns a abrir en Madrid a súa segunda fábrica

A empresa de enxeñería e desenvolvemento de produtos Edesdev, que comercializa os seus produtos baixo a marca Sineldent, ten en marcha un investimento de 3 millóns para abrir en Alcobendas a súa segunda fábrica, que se suma á planta de 1500 metros cadrados coa que opera desde o Poligono de San Cibrao das Viñas e ao seu centro de I+D, situado en Tecnópole.

Madera Plus organiza en Tecnópole unha xornada de transferencia sobre ferramentas de caracterización do recurso forestal-madeira

Madera Plus organiza o próximo 10 de xullo en Tecnópole unha xornada sobre o impacto da innovación nas empresas de transformación da madeira. En concreto, abordarase a aplicación das ferramentas de caracterización do recurso forestal-madeira.

Primux logra a súa acreditación de empresa comprometida coa inserción laboral de persoas con síndrome de Down

Primux recibiu recentemente o diploma de empresa comprometida coa inserción laboral de persoas con síndrome de Down, outorgado pola asociación Down España. O certificado "Estamos prep@rados" foille concedido durante un acto celebrado na Confederación de Empresarios de Ourense, no que se recoñeceu o apoio da empresa –cuxo centro de I+D se atopa en Tecnópole– á inserción laboral do colectivo.

As oportunidades de negocio das pemes na industria 4.0 preséntanse no próximo almorzo tecnolóxico

O próximo almorzo tecnolóxico, que terá lugar o venres 15, será unha oportunidade para que as pemes coñezan as oportunidades de negocio relacionadas coa industria 4.0 hiperconectada. A cita é ás 9.30 h. no edificio CEI de Tecnópole. A inscrición é libre e gratuíta.

Conexiona gana o reto de industria 4.0 lanzado por Finsa para xestionar mobiliario de forma intelixente

A tecnolóxica galega Conexiona vén de ganar o reto de industria 4.0 lanzado polo Grupo Finsa a principios de ano. A empresa, situada en Tecnópole, foi seleccionada por desenvolver a mellor solución para a necesidade do grupo madeireiro de contar cun sistema que lle permita xestionar de forma máis intelixente o seu mobiliario.

Akunatura organiza un curso sobre exercicios de intercomparación para a mellora da calidade dos laboratorios

A empresa Akunatura, instalada recentemente no Laboratorio de Biotecnoloxía de Tecnópole, organiza a finais do mes de xuño un curso sobre exercicios de intercomparación. A finalidade desta actividade formativa é actualizar os coñecementos dos responsables de laboratorios sobre unha ferramenta básica para ofrecer garantías de calidade aos seus clientes.

A área sanitaria de Ourense abrirá despois do verán unha convocatoria de ideas para o seu living lab que será dinamizada por Tecnópole

O laboratorio vivente ou living lab da área sanitaria de Ourense abrirá despois do verán un proceso de recollida de ideas susceptibles de ser incorporadas á práctica asistencial e comercializadas, segundo explicaron os responsables de innovación do Complexo Hospitalario Universitario de Ourense (CHUO) durante o último almorzo tecnolóxico. O director de Tecnópole, Ricardo Capilla, sinalou a vontade do parque de actuar como enlace das empresas co living lab e dinamizar esta convocatoria.

Páxinas