Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Institucións galegas e lusas alíanse para ser referentes en Biotecnoloxía Mariña

O edificio Miralles da UVigo foi o escenario para a presentación da posta en marcha do Laboratorio Transfronteirizo de Biotecnoloxía Mariña, un proxecto en rede que busca a excelencia neste campo grazas á colaboración entre institucións e organismos galegos e portugueses. Esta iniciativa, denominada BlueBioLab e liderada polo Campus do Mar, nace como unha posta en común das infraestruturas existentes en Galicia e o norte de Portugal.

Ziacom venderá un biomaterial óseo que deseñou a UVigo

A Universidade de Vigo e a multinacional médica Ziacom asinaron un acordo que permitirá á empresa española comercializar un biomaterial para rexeneración ósea deseñado ao amparo do proxecto Biofast, impulsado polo Grupo de Novos Materiais, liderado polo catedrático Pío González. 

Un "atlas celular" con selo galego

A compañía galega Bahía Software, especializada en servizos TI e integración de solucións tecnolóxicas, forma parte do consorcio internacional Huter, que ten como obxecto a creación dun mapa celular do útero humano para comprender, célula a célula, todas as relacións e cambios xenéticos e proteómicos, incluíndo información espacial, involucrados neste importante órgano. Huter é un dos 6 proxectos piloto da iniciativa global "Human Cell Altas", cuxo fin é o desenvolvemento dun mapa celular completo de todo o corpo humano, grazas á innovación e as novas tecnoloxías. 

Tecnópole presta soporte ás pemes galegas para concertar reunións bilaterais no Mobile World Congress

As pemes galegas interesadas en manter encontros bilaterais con outras empresas ou entidades no marco do Mobile World Congress poderán contar co soporte de Parque Tecnolóxico de Galicia-Tecnópole, que dinamiza a participación galega no evento na súa condición de membro da rede Galactea Plus, o nodo español da En

Os equipos interesados en expoñer proxectos na Galiciencia 2020 teñen ata o 15 de marzo para presentar as súas propostas

Parque Tecnolóxico de Galicia-Tecnópole abre o prazo de recepción de proxectos para a Galiciencia 2020 ata o próximo 15 de marzo. A maior feira científica de Galicia terá lugar os días 6, 7 e 8 de maio, coa innovación do futuro como temática central.

Conexiona participa no deseño do software galego para o manexo do ictus

Lincbiotech é unha spin off do Laboratorio de Neurociencias Clínicas (LINC) do Hospital Clínico de Santiago, unha institución que dirixe doutor José Castillo. A empresa xurdiu como unha iniciativa conxunta do FIDIS, do LINC e dun grupo empresarial galego, IT Capital, que conta cunha ampla experiencia en diversos negocios tecnolóxicos. Unha das súas principais participadas é a tecnolóxica Conexiona, con sede en Tecnópole.

Galicia crea unha unidade de investigación para regular o tráfico de drons

O Instituto Tecnolóxico de Galicia (ITG) e a empresa everis Aeroespacial, Defensa e Seguridade (everis ADS) lanzaron AIRUS, a unidade Mixta que pretende automatizar a xestión integral do espazo aéreo que van ocupar os drons en voo.

Trátase dunha solución tecnolóxica para controlar os drons pois "a xestión do tráfico aéreo é un problema que aínda está por resolver" e dependerá tamén da regulación que se está a elaborar, explicou o vicepresidente executivo de everis, Juan Bosco, durante a presentación da Unidade.

Gradiant e Energylab gañan o reto lanzado por Cofrico a través de Galicia Open Future

A proposta conxunta dos centros tecnolóxicos galegos Gradiant e Energylab resultou gañadora do reto formulado por Cofrico, dentro da edición Retos Industria 4.0 de Galicia Open Future, para mellorar o mantemento preditivo dos sistemas de eficiencia enerxética das instalacións de refrixeración e climatización que xestiona para o sector comercial, industrial e da restauración.

Só o 10% das empresas extrae todo o potencial da tecnoloxía

As empresas só están aproveitando unha parte moi pequena do potencial que supoñen as novas tecnoloxías. De feito, só o 10% das compañías están tomando decisións óptimas de investimento e de adopción da tecnoloxía e obtendo o valor completo deses investimentos, segundo indica o estudo de Accenture “¿O teu legado ou a túa lenda? Guía para os CEOs: coomo maximizar o valor das novas tecnoloxías”.

Escaso gasto en I+D da industria alimentaria na Unión Europea

O informe de 2019 de FoodDrinkEurope revela que malia que a industria alimentaria é a primeira en empregos en moitos países europeos, representa apenas o 0,23% do gasto en I+D, a menor taxa en relación con outras rexións do mundo, fronte aos 0,75% de Australia, 0,66% de Corea, 0,64% de EEUU ou 0,60% de Xapón, entre outras.

Unha noite no "Got Talent" da NASA: así se cazan startups na Terra para ir a Marte

"Houston, we have a problem", fai broma un dos técnicos apostados ao final da sala. O conto leva unhas cantas risas afogadas como resposta. A presentación non xuta e a mestra de cerimonias fai varios comentarios para esquivar ese sempre incómodo momento. Xa ven, ata a NASA ten problemas cos malditos vídeos do PowerPoint. Na pantalla conxelada vese unha diapositiva que reza 'Ignite the Night' (acende a noite), que é o nome do alboroto en cuestión. Trátase dun dos birlos que a axencia estadounidense organiza dentro dun plan para cazar novas ideas. Unha especie de 'Got Talent' para startups.

¿Pode un robot inventar? O sistema de patentes, en xaque

Poñámonos en antecedentes. O enxeñeiro Stephen Thaler crea unha intelixencia artificial á que chama Dabus AI. Este algoritmo deseña por si só dous novos produtos: un colector industrial e unha lámpada. Ambos os dous inventos son susceptibles de ser patentados, pero Thaler decide facer o rexistro a nome Dabus AI. ¿Resultado? Nin Reino Unido nin Europa nin Estados Unidos aceptan a solicitude. A intelixencia artificial non pode patentar. Así de rotundo.

Páxinas