Tarde ou cedo, as renovables serán as protagonistas do mix enerxético. Para lograr un sistema fiable, seguro e rendible, que permita que en todos os fogares se tome o café quente pola mañá con enerxía limpa, resulta esencial poder almacenala para cando non sopre o vento ou non haxa sol.
Os fármacos oncolóxicos e neurodexenerativos acaparan a maior parte dos 500 millóns que as biotecnolóxicas invisten cada ano en España. Este presuposto repártese entre as empresas que integran cada área na que se divide o sector: vermella (medicamentos), azul (ciencias mariñas), branca (ámbito industrial) e verde (agroalimentación).
As células solares de película delgada sen un bloque de silicio engadido son a nova creación dun grupo de investigadores e axentes industriais checos e suízos que colaboraron para lograr un produto que podería posuír unha eficiencia superior á habitual nesta tecnoloxía.
Non se trata de intelixencia artificial, nin tampouco dunha simulación informática, senón dun auténtico cerebro en miniatura, construído a base de neuronas de rata e que demostrou, ademais, ser capaz de desenvolver unha memoria a curto prazo e manter "recordos" durante doce segundos.
O xoves 26 de maio terá lugar no salón de actos do Edificio CEI unha xornada informativa sobre o Plan de Control de Vertidos no Parque Tecnolóxico de Galicia. A sesión, que terá lugar entre as 12.30 e as 13.30 horas, está aberta a todas as empresas de Tecnópole.
As pemes da Eurorrexión Galicia-Norte de Portugal do sector das enerxías renovables contan dende agora con ferramentas de software libre e un portal web de traballo especificamente desenvolvidos para cubrir as súas necesidades no marco do proxecto transfronteirizo ER-INNOVA.
O sábado 21 de maio publicábase no BOE a convocatoria INNFLUYE 2011, un programa para o apoio á creación, consolidación e desenvolvemento de plataformas tecnolóxicas, que adxudicará 5,5 millóns de euros en subvención para o financiamento das iniciativas presentadas, con actuacións no período 2011-1013, en diferentes sectores económicos e tecnolóxicos.
O Grupo T-Solar, con factoría en Tecnópole, e GDF SUEZ Energía España acaban de selar un acordo comercial para implantar o servizo de centro de control e envío de telemedicións en tempo real dirixido a produtores de instalacións enerxéticas en Réxime Especial.
A Asociación de Parques Científicos e Tecnolóxicos de España (APTE) puxo en marcha recentemente un novo servizo para empresas denominado Oficina Virtual de Asesoramento Empresarial (OVAE), servizo que ofrece asesoramento profesional para pemes pertencentes a parques científicos e tecnolóxicos de España, así como empresas situadas en polígonos industriais e outros ámbitos.
O Centro Tecnolóxico AIMEN e a empresa Ferroatlántica lideran un proxecto europeo que busca fabricar células fotovoltaicas de baixo custo transparentes e flexibles, que se poidan integrar en ventás, fachadas, marquesiñas e mesmo pezas de vestir.
O español José Manuel Leceta, ata agora responsable internacional do CDTI, será o novo director do Instituto Europeo de Innovación e Tecnoloxía (EIT, nas súas siglas en inglés), tras o seu nomeamento o pasado venres. Leceta terá o seu cuartel xeral en Budapest, onde a institución ten a súa sede central, durante os próximos catro anos.
O novo Plan de Enerxías Renovables (PER) correspondente ao período 2011-2020 prevé mobilizar, en concepto de investimentos, 62.797 millóns durante a próxima década e levará consigo uns custos superiores aos 20.000 millóns, que na súa maioría irán destinados ás primas das enerxías renovables.
