Newsletter

Buscar

Susbcrición Newsletter

Introducir e-mail

Arquivo mensual

O Campus Party acollerá a presentación dun modem pensado para aplicar á idea do Internet das cousas

Telefónica I+D e Arduino presentarán no Campus Party un modem pensado para aplicar á idea do Internet das cousas. Trátase dun proxecto no que se traballa dende hai uns meses e que sairá ao mercado en outono.

Máis de cen empresas de Galicia e Norte de Portugal usan xa as ferramentas TIC do proxecto europeo ER-INNOVA

Máis dun centenar de pemes do sector das enerxías renovables de Galicia e o Norte de Portugal están a usar xa as ferramentas desenvolvidas no marco do proxecto europeo ER-INNOVA para mellorar a súa capacidade competitiva. Os seus representantes, así como responsables doutras empresas, asociacións sectoriais e plataformas tecnolóxicas, asistiron o pasado xoves á presentación de resultados desta iniciativa transfronteiriza cofinanciada pola Unión Europea (UE) a través dos FEDER e coordinada por tres socios galegos e un portugués.

Tecnópole acolle unha xornada sobre oportunidades de financiamento de proxectos de investimento e de I+D+i

O próximo día 19 de xullo terá lugar no salón de actos de Tecnópole unha xornada sobre oportunidades de financiamento de proxectos de investimento e de I+D+i. A sesión centrarase en dous programas que convocará proximamente o Centro para o Desenvolvemento Tecnolóxico Industrial (CDTI), o FEDER-INNTERCONECTA e o INNPRONTA. En total, ambas as dúas convocatorias teñen unha dotación económica próxima a 500 millóns de euros.

Un traballador de Eulen gaña o II Concurso Fotográfico 'Tecnoambiental'

Fernando Pérez Rodríguez, traballador da subcontrata Eulen en Tecnópole gañou o II Concurso Fotográfico 'Tecnoambiental', organizado por Parque Tecnolóxico de Galicia con motivo do Día Mundial do Medio Ambiente, con 'O reflexo''.

Conexiona Telecom presenta en Tecnópole o seu novo software de xestión intelixente de comunicacións

A TIC galega Conexiona Telecom presentou en Tecnópole -onde se atopa a súa sede- un novo software de xestión intelixente de comunicacións para empresas. Segundo os seus creadores, trátase dun produto innovador a nivel mundial no que xa se interesaron varios distribuidores especializados.

O ICO e a CEG potenciarán o acceso ao financiamento de autónomos e empresas galegas

O Instituto de Crédito Oficial (ICO) e a Confederación de Empresarios de Galicia (CEG) subscribiron un convenio polo que ambas as dúas entidades traballarán conxuntamente para potenciar o acceso de autónomos e pequenas e medianas empresas (pemes) de Galicia aos programas de financiamento directo do ICO.

O Programa Emprendedores en Rede contará con 35 millóns de euros para financiar empresas do sector TIC

O Consello de Ministros autorizou o convenio entre a Secretaría de Estado de Telecomunicacións e para a Sociedade da Información e a entidade pública empresarial red.es para a posta en marcha do Programa Emprendedores en Rede.

España mellora a súa capacidade de innovación e sitúase en posición media en UE

España subiu un posto e sitúase no undécimo lugar dentro do "ranking" de países europeos con capacidade de innovación, un lugar intermedio inmediatamente despois de Alemaña e por diante do Reino Unido, segundo o "Índice Altran de Potencial Innovador 2011".

Tecnópole participa no cumio mundial de parques científicos e tecnolóxicos celebrado en Copenhague

Baixo o lema 'Roadmaps for Future Navigation', a conferencia deste ano da International Association of Science Parks (IASP) centrou o seu interese no papel que deben desempeñar os parques científicos e tecnolóxicos para responder aos retos globais e promover o desenvolvemento dun crecemento sustentable.

O centro tecnolóxico galego AIMEN lidera un proxecto europeo de I+D+i sobre tecnoloxía láser para producir células fotovoltaicas máis eficientes

O Centro Tecnolóxico AIMEN, con sede en O Porriño (Pontevedra) e oficina en Tecnópole, coordina un proxecto europeo de I+D+i baseado na tecnoloxía láser, co obxectivo de desenvolver alternativas ás arquitecturas actuais das células fotovoltaicas, empregando materias primas máis baratas (como o silicio UMG) e diminuíndo o desperdicio de material debido aos erros na fabricación.

A Universidade de Vigo xa cultiva "ouro verde" para obter biodiésel

A factoría de "ouro verde" xa está en marcha na Facultade de Ciencias da Universidade de Vigo. Os investigadores do grupo de Jesús Torres acaban de comezar a cultivar microalgas no seu novo laboratorio dentro do proxecto europeo EnerBioAlgae que lidera Vigo para obter biodiésel e limpar zonas degradadas.

A Xunta destina 760.000 euros a buscar hidrocarburos no 'Gran Burato'

O Goberno galego autorizou á Consellería de Economía e Industria á sinatura dun convenio coa Universidade de Vigo para realizar unha nova expedición no 'Gran Burato', co fin de confirmar se existe gas e existen posibilidades de explotación.

Páxinas