Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

UPS poderá operar a primeira frota de drons de mensaxería en Estados Unidos

A compañía de mensaxería UPS anunciou a semana pasada que obtivo a primeira autorización completa para operar unha frota de drons en Estados Unidos. A empresa explicou nun comunicado que usará inicialmente este permiso para expandir o seu servizo de entregas a hospitais e explorar posibilidades noutros sectores.

Só o 22% dos europeos optaría polas criptomoedas se desaparecese o efectivo

A asimilación das criptomoedas como método de pago por parte da poboación europea aínda está afastada. Aínda que a curiosidade e a información sobre as moedas dixitais aumentaron no Vello Continente, o costume impulsa a confiar no que xa se coñece, polo que unha hipotética substitución do diñeiro en efectivo polo virtual non contaría co favor dos usuarios.

Novos materiais para ventás intelixentes ou "smart windows"

Na Unidade de Materiais Porosos avanzados do Instituto IMDEA Enerxía (Móstoles, Madrid) desenvólvense novos materiais para ventás intelixentes ou "smart windows".

A nova xeración de robots terá mans máis humanas

Hai 32 anos, cando os ordenadores só estaban ao alcance duns poucos, un grupo de mozos afanábase, nun ático londiniense, en construír un robot que puidese camiñar. O seu esforzo fíxose anacos cando a compañía Honda anunciou a creación do robot Asimo, o primeiro androide do mundo que andaba.

Lonxe de afundirse, os mozos decidiron reorientar o seu traballo cara a unha parte do corpo menos desexada polos enxeñeiros, pero moi complexa: as mans. Propuxéronse crear mans robóticas que imitasen á perfección ás humanas.

A innovación véndese primeiro na casa: sen o apoio dos empregados o cambio é imposible

A innovación está de moda. Na era da transformación dixital, das empresas exponenciais ou dos modelos disruptivos, organizacións de todos os tamaños e sectores emprenderon o camiño da innovación como un dos seus grandes vectores de crecemento.

As compañías afánanse en sacar ao mercado novos produtos e servizos, por anticiparse aos seus competidores e ata aos seus propios clientes con propostas rompedoras, e non dubidan en atacar sen rubor novos segmentos de actividade que en ocasións parece situarse nas antípodas do seu negocio tradicional.

Conde destaca en Tecnópole o apoio da Xunta a 330 proxectos en 53 países para que as empresas galegas avancen en internacionalización

O conselleiro de Economía, Emprego e Industria, Francisco Conde, destacou durante a xornada México-Galicia: Visións compartidas, organizada por Roberto Verino no Parque Tecnolóxico de Galicia- Tecnópole, que a Xunta acaba de conceder axudas por máis de 7,5 millóns de euros a 330 novos proxectos de internacionalización empresarial en 53 países distintos a través do programa Galicia exporta Empresas.

Origo Biopharma desenvolve en Tecnópole un fármaco contra o cancro de colon

A empresa galega Origo Biopharma, con sede en Tecnópole, ampliou capital para fortalecer a súa estrutura accionarial e gañar músculo financeiro para afrontar con garantías os traballos de investigación para o desenvolvemento en Galicia de varios fármacos de acción local contra o cancro colorrectal e a fibrose asociada á enfermidade de Crohn.

Esta compañía, fundada en 2017, é froito dos avances da biotecnolóxica galega GalChimia, con sede no Piñeiro (A Coruña), no proxecto IO4COLON, unha iniciativa que conta co apoio da Xunta.

Serradoiros galegos ensaian no CIS-Madeira técnicas de secado e tratamento de madeira

A Federación Empresarial de Serradoiros e Rematantes de Maderas de Galicia (Fearmaga) celebrou en Ourense un curso sobre o secado da madeira e o seu tratamento térmico fitosanitario. O Centro de Innovación e Servizos Tecnolóxicos da Madeira de Galicia (CIS-Madeira), situado en Tecnópole, acolleu esta experiencia na que participaron once profesionais do sector que ensaiaron técnicas destinadas a asegurar a calidade da madeira serrada e optimizar os procesos produtivos, cun enfoque eminentemente práctico.

Galicia lidera o ensaio de nichos de negocio do 5G en saúde, naval e automoción

Quen lle ía dicir ao lugar onde supostamente remataba o mundo que sobre el se poñen agora os piares dunha pioneira ponte cara á modernidade tecnolóxica. Precisamente por esas caprichosas condicións xeográficas, hai poucas localizacións mellores que Galicia para medir o potencial das redes 5G en todos os ámbitos posibles, incluídas áreas dispersas.

C-VoUCHER abre unha nova convocatoria para adoptar a economía circular, ofrecendo financiamento a pemes

C-VoUCHER é a primeira iniciativa paneuropea que axuda ás empresas a remodelar e redeseñar as súas cadeas de valor, pasando de modelos lineais a circulares. Esta primeira convocatoria para innovadores ofrece 15.000 euros a pemes que desenvolvan plans de viabilidade para adoptar solucións de economía circular.

As dezaoito pemes seleccionadas participarán nun programa de tres meses de duración, contando co apoio dun experto en design thinking e sesións de asesoramento con expertos en financiamento.

A Fundación Cotec abre o prazo de candidaturas para o seu programa de innovación aberta

A Fundación Cotec abriu ata o 13 de outubro o prazo de presentación de candidaturas para #PIA2019, a terceira convocatoria do seu Programa de Innovación aberta. O obxectivo de Cotec con este programa é seleccionar propostas de innovación cos que colaborar, a través dun contrato, para desenvolver proxectos de forma conxunta. A axuda de Cotec pode ser financeira (ata 40.000 euros) ou doutro tipo (asesoría, comunicación e relacións públicas, etc.).

Zendal premia os mellores proxectos no campo da saúde e a biotecnoloxía

O Grupo Zendal abriu a primeira convocatoria dos International Zendal Awards co obxecto de recoñecer o traballo daquelas institucións, públicas ou privadas, que desenvolvan o seu labor tanto no campo da saúde animal como humana e que demostraran mérito e compromiso no ámbito das vacinas, a prevención e a biotecnoloxía.

Páxinas