Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Un sistema que axuda aos nadadores profesionais con cegueira total, primeiro premio de Galiciencia

Esta 16ª edición de Galiciencia, que conta co apoio da Xunta de Galicia, a través da Axencia Galega de Innovación (Gain), e coa colaboración da Fundación Española para la Ciencia y la Tecnología (FECYT) – Ministerio de Ciencia e Innovación, xa ten gañadores do seu concurso de proxectos. O primeiro premio recaeu en “VibroSwim”, de Pablo Pedrosa e Guillermo Giacone, do CPR Las Acacias-Montecastelo de Vigo, un sistema que axuda aos nadadores profesionais con cegueira total a coñecer os límites da piscina.

Primux, fabricante de electrónica de consumo de San Cibrao das Viñas: "Competir con grandes marcas por conseguir chips é un gran reto"

A prolongada escaseza de semicondutores tamén golpea aos fabricantes de computadores, que os montan en PCs, teclados, ratos, webcams e auriculares. Ancorada na Tecnópole e con máis de 50 traballadores, Primux deseña e produce equipos de sobremesa, tablets e portátiles. O seu director xeral, Daniel Rodríguez, indica que, grazas "ao estudo de mercado e planificación realizada", o abastecemento de chips e compoñentes está "garantido" para poder atender a demanda da campaña de "volta ao cole". A partir de aí, a situación "para os seguintes meses non é demasiado alentadora".

A eólica mariña apunta á área de Vigo para instalar parques

O sector eólico mariño ten identificadas tres zonas nas costas galegas con moitas posibilidades para instalar a curto prazo (entre cinco e oito anos) parques offshore e unha delas estaría na área de Vigo.

O CTAG participa no bus eléctrico de Castrosua

O CTAG avanza no futuro do vehículo eléctrico. Neste caso, no relacionado co transporte de pasaxeiros. O Centro Tecnolóxico de Automoción de Galicia colaborou no deseño de Nelec, a primeira carrozaría sobre bastidor eléctrico da empresa carroceira galega Grupo Castrosua. Os traballos do CTAG centráronse no deseño conceptual da liña exterior, do posto de condución e da zona de iluminación interior, así como no desenvolvemento 3D para a industrialización do exterior do vehículo (partes frontal e traseira do autobús).

Drons montados en Rozas empregaranse na noita contra os incendios

Drons montados no polo aeronáutico de Rozas (Castro de Rei) usaranse na loita contra os incendios forestais. O emprego deses aparellos xa estivo presente na campaña do 2020 e dáse por seguro que na de 2021 tamén se empregarán. Segundo fontes da Consellería do Medio Rural, o ano pasado utilizáronse doce, mentres que o número dos que se usen neste aínda non está concretado.

A Xunta espera mobilizar 600 millones co seu plan de impulso á biotecnoloxía

Galicia pugna por facerse un oco no innovador e puxante sector biotecnolóxico. E farao da man da Administración. Así o destacou o vicepresidente segundo e conselleiro de Economía, Empresa e Innovación, Francisco Conde, durante a presentación da Estratexia de Consolidación do Sector Biotecnolóxico de Galicia 2021-2025. Francisco Conde prevé que grazas a este plan se mobilicen máis de 600 millóns de euros, o dobre que no período anterior, para impulsar un crecemento verde e sustentable.

O Grupo Coren inviste 40 millóns de euros no seu plan ambiental

O grupo Coren conseguiu reducir as súas emisións nun 45% nos últimos cinco anos, por enriba da media española, que se sitúa nun 38%. A cooperativa ourensá contribúe tamén á posta en valor do medio rural, onde recuperou 7500 hectáreas de terreo para a crianza en extensivo de animais e o cultivo de cereais, ademais de impulsar a recuperación dos bosques de castiñeiros para alimentar á súa gama Selecta.

A Xunta e o Clúster TIC Galicia impulsarán a dixitalización empresarial e crearán un portal de emprego

A Axencia de Modernización Tecnolóxica de Galicia (Amtega), dependente da Xunta, e o Clúster TIC Galicia impulsarán a dixitalización empresarial para mellora da súa competitividade e crearán un portal de emprego tecnolóxico. A Xunta explicou que un convenio de colaboración asinado pola directora de Amtega, Mar Pereira, e o presidente do Clúster, Antonio Rodríguez del Corral, permitirá a posta en marcha de actividades para “o fomento da sociedade dixital no ano 2021” con vistas a cumprir os obxectivos da Estratexia Galicia Dixital 2030.

Mapa de capacidades

Nanotecnoloxía galaicoportuguesa permitirá detectar no sangue presenza de enfermedades cancerosas

NANOeaters, proxecto de Aimen Centro Tecnolóxico e o Laboratorio Ibérico Internacional de Nanotecnología (INL), permitiu o desenvolvemento dun dispositivo microfluídico portable e funcionalizado para aplicacións biomédicas. O seu obxectivo é mellorar o filtrado de mostras sanguíneas de cara á extracción de plasma para o diagnóstico precoz de enfermidades cancerosas.

As empresas galegas, por riba da media estatal no uso de novas tecnoloxías

O número de empresas galegas con menos de 10 persoas empregadas que dispoñen de internet de banda larga de 100 ou máis Mbps creceu un 93,2% entre 2019 e 2020, segundo os datos do informe A Sociedade da Información das Empresas de Galicia elaborado polo Observatorio da Sociedade da Información e a Modernización de Galicia (Osimga). Prácticamente todas as empresas con 10 ou máis persoas traballadoras teñen contratado internet. No caso das empresas máis pequenas, un 78,6% dispoñen deste servizo, o que sitúa a Galicia lixeiramente por enriba da media estatal, que é dun 78,2%.

Récord de participación en Galiciencia online 2021

Durante tres días desenvolveuse Galiciencia, a maior feira científica que se celebra na nosa comunidade, promovida polo Parque Tecnolóxico de Galicia -Tecnópole- desde 2006. Con esta iniciativa búscase espertar as vocacións científicas entre o alumnado de Primaria, Secundaria, FP e Bacharelato. A feira conta co apoio da Xunta de Galicia, a través da Axencia Galega de Innovación (Gain); e coa colaboración da Fundación Española para la Ciencia y la Tecnología (FECYT) – Ministerio de Ciencia e Innovación.

Egatel lidera un proxecto para impulsar a industria espacial

A empresa ourensá Egatel, con sede no Parque Tecnolóxico, acaba de dar un salto cualitativo en materia de innovación ao apostar polo desenvolvemento da industria espacial. A compañía, que pertence ao grupo Comsa, lidera un consorcio de once entidades do sector tecnolóxico e do ámbito académico e presentou unha manifestación de interese ao Ministerio de Industria para impulsar o denominado Proxecto Ansgal, acrónimo en inglés dun Novo Espazo para Galicia -A New Space for Galicia-, "que ten como obxectivo final o desenvolvemento da industria espacial en España, focalizado en Galicia".

Páxinas