Xunta e Goberno central apostan pola innovación para deseñar hospital do futuro

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
Hospitais máis eficientes, que consuman menos enerxía, cun maior respecto polo medio ambiente, con menos camas e máis tecnoloxía e centrados no paciente. Así planean a Xunta e o Goberno que poderán ser os hospitais do futuro.
 
Por este motivo, ambas as dúas administracións ratificaron hai uns días o proxecto 'Hospital 2050', unha aposta para deseñar os futuros hospitais e que conta con financiamento da UE.
 
O presidente da Xunta, Alberto Núñez Feijóo, e a ministra de Ciencia e Innovación, Cristina Garmendia, asinaron en Santiago este convenio e outro máis, denominado ''Innova Saúde'', dotados con 45 millóns de euros cada un.
 
Ambos os dous dirixentes insistiron na necesidade de que as administracións sexan "eficientes" no gasto, sobre todo en canto ao resultado, e aí é onde entra en xogo a innovación, coincidiron.
 
Garmendia confiou en que estes proxectos serán moi frutíferos para a economía galega, xa que son actuacións competitivas nun sector clave da economía e a sociedade, a sanidade.
 
Pola súa banda, Núñez Feijóo destacou que na súa xestión apostou por garantir a prestación dos servizos públicos e indicou que, en época de crise, a eficiencia e a calidade converxen na innovación.
 
A estes 90 millóns de euros, "un pulmón que permitirá facer cousas ata 2015", dixo o presidente galego, a ministra de Ciencia recordou que a través do programa Interconecta súmanse outros 30 millóns de euros e indicou que, a falta de quince días para o peche da convocatoria, "hai 15 potentes consorcios galegos" que presentaron proxectos.
 
(Fonte: EFE)