Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Unha crema elaborada en Ourense, aliada para previr os contaxios

Ciencia e cosmética danse a man contra a covid-19, a través dun novo proxecto da empresa Glecex. Esta start-up biotecnolóxica ourensá, nacida en 2013, encárgase de prestar servizos avanzados a empresas do sector alimentario, farmacéutico e cosmético, ademais de asesorar en I+D+i a diversas corporacións. Nesta ocasión, e como parte do programa Connect-19, Glecex está en proceso de comercializar produtos cosméticos con compoñentes antivirais que actúen como inhibidores do virus.

Piden o uso de drons para detectar o maltrato animal

A Asociación Animalista Libera quere que o uso de drons, actualmente normalizado para a prevención de incendios durante o verán en Galicia, se estenda a outras loitas e contribúa a pór fin a unha das prácticas máis crueis e denigrantes que sofren os animais, «o encadenamento continuado».

Adolfo Domínguez lanza unha colección limitada cento por cento ourensá

O grupo Adolfo Domínguez lanzou a súa terceira colección limitada confeccionada ao “cento por cento” nos seus talleres de xastrería de Ourense, que está integrada por 186 pezas confeccionadas con liño europeo e que forma parte da nova aposta da firma galega pola sustentabilidade.

A compañía téxtil explica que a colección está “integramente elaborada” con liño europeo e baixo un procedemento zero waste, o que significa que se realiza mediante un sistema de patronaxe creativo que reduce a cero os refugallos durante o seu proceso de elaboración.

A Xunta de Galicia aumenta o seu apoio á industria aeroespacial

Tras cinco anos de execución (2015-2020), a Civil UAVs, que conta co apoio do Ministerio de Ciencia e Innovación e do Instituto Nacional de Técnica Aeroespacial (INTA) do Ministerio de Defensa, consolídase como unha iniciativa sen precedentes no ámbito da industria de drons e a tecnoloxía aeroespacial en España e en Europa, tras a publicación da Xunta das consultas ao mercado para o deseño de actuacións no período 2021-2025. O obxectivo é alcanzar un investimento público-privado similar, polo menos, á do período que agora conclúe: 164 millóns de euros.

A vacina do CiQUS aposta pola administración vía nasal

Galicia podería converterse na comunidade española pioneira en lograr a vacina fronte ao coronavirus covid-19. En concreto, a investigación do grupo que dirixe José Manuel Martínez Costas no Centro Singular de Investigación en Química Biolóxica e Materiais Moleculares da USC (CiQUS), en colaboración co grupo de Javier Ortego (CISA-INIA), avanza de maneira favorable en busca da inmunidade.

A USC e a UDC vólcanse na investigación contra o coronavirus

Nos meses da pandemia, as universidades galegas puxeron en marcha máis de 150 propostas de investigación na procura de solucións contra o coronavirus, e a maioría delas seguirán desenvolvéndose no curso 2020-21. As universidades, as facultades, os centros de investigación e os departamentos universitarios envorcáronse ante un desafío que ameaza o modo de vida da sociedade na que se desenvolve a comunidade científica.

O Cimus acadou no último ano os 24 millóns de euros para investigación sanitaria

O Centro de Investigación en Medicamento Molecular e Enfermidades Crónicas da USC (Cimus) captou o ano pasado financiamento por 7,1 millóns de euros. Cos proxectos, contratos e convenios que mantiña en vigor de anos anteriores, alcanzou os 24,1 millóns de recursos para investigación sanitaria. A maioría desta cantidade (7,6 millóns, o 32 % do total) procede de 15 proxectos internacionais, conseguidos en convocatorias competitivas. Séguenlle 6,9 millóns (o 29 %) por 38 proxectos de convocatorias estatais; e 4,1 millóns por 14 proxectos autonómicos.

Industria destinará 3,17 millóns a créditos para a I+D+i en pemes

A Consellería de Economía, Emprego e Industria abriu unha das liñas do programa de instrumentos financeiros innovadores (IFI) coa que destina 3,17 millóns de euros para axudas en forma de créditos de entre 50.000 e 500.000 euros con condicións “vantaxosas” para proxectos de I+D+i de pequenas e medianas empresas (pemes).

Moz@s de 8 a 18 anos poden participar en Aulas Tecnópole e STEAM Kids Tecnópole, destinadas a achegar a ciencia e a tecnoloxía desde unha óptica artística e creativa

O Parque Tecnolóxico de Galicia ten aberto a través da súa páxina web o prazo de inscrición en Aulas Tecnópole e STEAM Kids Tecnópole, os cursos de formación en habilidades científicas e innovadoras para estudantes de 8 a 18 anos. A matrícula poderá realizarse ata o 30 de setembro.

STEM Kids Tecnópole para escolares de 8 a 11 anos

Adolfo Domínguez acelera o seu despregamento en América

O grupo Adolfo Domínguez prepara o despregamento en Latinoamérica do seu novo plan de consolidación e crecemento, que lanzará "no momento que se resolva a crise do coronavirus" e poida "operar con normalidade e sen restricións", segundo informou a compañía.

A firma téxtil indica que o plan, que pon o foco tanto en México, o seu principal mercado, como noutros países, ten como obxectivo "incrementar a presenza e acelerar o despregamento das tendas" da compañía, que conta actualmente con 141 tendas en oito países americanos, o que supón un 36% da súa facturación total.

A liña do ICO-Covid inxectou un promedio de 152.561 € por empresa

Preto de trinta mil empresas galegas víronse beneficiadas cos 4.537,8 millóns de euros de financiamento garantido polo Executivo central a través do Instituto de Crédito Oficial (ICO). A media por empresa sae a 152.561 euros. En total, neste catro meses fraguaron, segundo a Delegación do Goberno, 44.181 operacións empresariais en Galicia con respaldo do Goberno. Cada unha toca a 102.709 euros.

Galicia, na loita científica contra a Covid

A ciencia e a innovación españolas sumáronse ao maratón científico internacional e desenvolven múltiples proxectos para paliar a emerxencia sanitaria provocada pola Covid-19. As Universidades de Santiago e A Coruña, en colaboración con outras estranxeiras, así como Centros de Investigación e empresas innovadoras de Galicia recibiron financiamento público para levar a cabo proxectos de I+D+i sobre o virus SARS-CoV-2 e a enfermidade que provoca.

Páxinas