Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Mapas e drons: innovación nos campus contra a Covid-19

O coronavirus parece chegar para quedar. Descartada a inmunidade de grupo e mentres a carreira contra a vacina non alcance a súa meta haberá que buscar métodos que axuden á sociedade a convivir coa enfermidade e tratar de evitar rebrotes masivos. Os campus galegos comenzaron xa a buscar solucións innovadoras para a etapa que se bautizou como nova normalidade.

Respiradores ou medición de temperatura

Ademais dos proxectos dos campus, a Axencia Galega de Innovación financiará a seis pemes galegas. AMSlab desenvolverá unha ferramenta para a rápida e sinxela detección molecular in situ do SARS-CoV-2, sen requirimento de instrumentación; Setga traballará en cabinas esterilizadoras; Bionix Supplychain Technologies aposta por un respirador de baixo custo industrializable a escala, mentres que Técnicas de Soft avanzará nun respirador autónomo reutilizable.

Paredes que se autolimpan grazas a nanopartículas que reaccionan con luz

Contra os virus e xermes volátiles que rebotan, xurdiron as paredes e chans que se autolimpan. A empresa viguesa Merchant Union asinou un acordo para usar a patente americana do produto desinfectante de acción fotocatalítica PurifAir. Está á espera de obter os resultados do test microbiolóxicos oficiais para comercializalo. Trátase dunha nova solución para evitar contaxios de covid-19 e protexer doutros virus e bacterias. A idea, segundo explica o xerente de Merchant Union, Roque Varela de Limia, é obter un certificado de produto antibacteriano das autoridades sanitarias.

Nace unha nova spin-off da USC con aplicación para a saúde e investigación

Tras anos de traballo e investigación na área da microfluídica, a fotónica e a biotecnoloxía, acaba de constituírse como empresa BFlow, unha spin-off da USC e o Instituto de Investigación Sanitaria de Santiago de Compostela (IDIS), que forma parte do BioIncubatech.

Trátase dunha iniciativa que foi posible grazas á colaboración dun equipo de socios promotores como María Aymerich, Maite Flores, Ezequiel Álvarez ou Alberto Pérez Muñuzuri, todos eles investigadores que foron imprescindibles para sacar adiante esta nova empresa, que estará dirixida por María Seoane.

O sector biotecnolóxico deseña xa a estratexia de Galicia para 2021-25

O sector biotecnolóxico de Galicia ponse mans á obra. Nos vindeiros meses deseñará a folla de ruta que definirá a Estratexia de Consolidación da Biotecnoloxía de Galicia 2021-2025, e que estará xa lista este outono e aplicarase desde o próximo 1 de xaneiro.

Destacouno nun webinar Carme Pampín, presidenta de Bioga, que é o Clúster Tecnolóxico Empresarial das Ciencias da Vida, xunto ao conselleiro de Economía, Francisco Conde, e Patricia Argerey, directora de GAIN, que serviu como pistoletazo de saída para elaborar a Estratexia de Consolidación da Biotecnoloxía de Galicia 2021-2025.

A febre eólica impulsa máis de 2.500 MW e a aposta por megaparques en Galicia

O sector eólico de Galicia está a vivir unha segunda idade de ouro pola febre verde, equiparable só ao despegamento do vento como fonte de enerxía nos anos 90. Os proxectos multiplícanse. Mentres todo o mundo estaba pendente do coronavirus, a plataforma ambiental da Xunta abriu a porta a máis dunha trintena de parques que suman uns 1.000 megawatts (MW). E non son os únicos. Hai outros algo máis de 1.500 en xestión ante o Ministerio para la Transición Ecológica, encargado de revisar os proxectos que superan os 50 MW.

O téxtil acusa o descenso das exportación galegas

A caída das exportacións en Galicia en marzo deixa ao sector téxtil como “o máis afectado polo impacto da Covid-19”, segundo o Foro Económico de Galicia (FEG). Despois de que o comercio exterior caese en Galicia un 26,7% durante ese mes, segundo os datos do Instituto Galego de Estatística (IGE), o Foro subliñou como o “shock do confinamento esnaquizou os resultados positivos do primeiro trimestre” na Comunidade, sobre todo no téxtil.

O 60% das empresas quedaron atrás na dixitalización

A telefonía móbil segue a ser o servizo de telecomunicacións con maior implantación do mundo. Así o certifica o informe sobre La sociedad digital en España 2019, que fixo público a  Fundación Telefónica, a través dunha presentación online na que tomaron parte Pablo Gonzalo, responsable de Cultura Digital y Espacio Fundación Telefónica, e Carmen Morenés, directora xeral da entidade.

Ponse en marcha a campaña “Fagamos entre todos Tecnópole virus-free”

Tecnópole puxo en marcha unha campaña baixo o lema “Fagamos entre todos Tecnópole virus-free”, que busca lograr un parque libre de coronavirus e adaptado á nova normalidade.
 
Tal como explica o director xerente do Parque, Ricardo Capilla, “ante a inminente e progresiva incorporación presencial ás oficinas e postos de traballo prevista para as próximas datas, estase a reforzar a limpeza e desinfección das zonas comúns, ascensores e baños dos edificios públicos de Tecnópole: CEI, Tecnópole I  e Tecnópole II.

Tecnópole publica unha guía en galego para animar ás mozas a estudar carreiras vencelladas coa Ciencia e a Tecnoloxía

O Parque Tecnolóxico de Galicia -Tecnópole- acaba de publicar en galego a guía Que quero ser de maior?. Forma parte do proxecto “Ciencia e Tecnoloxía en feminino” desenvolto pola Asociación de Parques Científicos e Tecnolóxicos de España -APTE-, na que está integrada Tecnópole.

A Xunta avanza nas obras do enlace do polígono de San Cibrao

A Consellería de Infraestruturas e Mobilidade, dirixida por Ethel Vázquez, difundiu unhas fotografías que amosan o avance das obras do novo enlace do polígono industrial de San Cibrao das Viñas á A-52. Os traballos están a executarse neste momento no ramal cortado da autovía.
 
Pese ao parón que supuxo a crise do coronavirus, a Xunta prevé ter completamente rematado este viario este mesmo verán, tal como estaba previsto inicialmente. Esta actuación foi licitada por un prezo de 21 millóns de euros.
 
Fonte: La Voz de Galicia

Científicas galegas traballan nunha vacina de longa duración contra o Covid

A catedrática da Universidade de Santiago de Compostela María José Alonso lidera un proxecto de investigación que busca desenvolver e avaliar unha nova vacina de longa duración fronte ao SARSCov-2. Na investigación participa ademais o grupo de Mabel Loza, catedrática tamén da USC.

Páxinas