Unha quincena de empresarios de Tecnópole comparten un xantar-coloquio con Paco Muro sobre o impacto da calidade directiva en tempos de crise

Buscar

Susbcrición Newsletter

Introducir e-mail

Arquivo mensual

Vindeiros eventos

Unha quincena de empresarios de Tecnópole compartiron a semana pasada un xantar-coloquio co presidente executivo de Otto Walter, Paco Muro, sobre o impacto da calidade directiva en tempos de crise. Este encontro, propiciado pola Asociación para o Progreso da Dirección (APD), permitiu aos empresarios coñecer as actitudes máis axeitadas para enfrontar a súa función como directivos en situacións de dificultade como a actual.
 
Paco Muro é presidente executivo de Otto Walter e autor de best-sellers internacionais como 'O peixe que non quixo evolucionar', 'Ir ou non ir' e 'A arte da prudencia profesional', de grande éxito en países como Xapón. Hoxe xa é un dos autores españois de libros de xestión con maiores vendas da historia.
 
Nomeado por Expansión e Emprego un dos sete maiores expertos españois en management, é un dos consultores e conferenciantes de referencia en temas de motivación, vendas e liderado.
 
Diplomado e Máster en Mercadotecnia, anteriormente ocupou diversos cargos directivos e comerciais en empresas nacionais e multinacionais como AEG Olympia, El Fénix Mudo, Ecade, etc.
 
Durante os últimos 10 anos realizou un extenso conxunto de estudos sobre os comportamentos de xefes e empregados en España, sumando 12 completas investigacións nas que participaron miles de profesionais, e que hoxe son referencia en seminarios e escolas de negocios.
 
(Fonte: Tecnópole, APD)