Unha empresa de prótese á medida para animais gana a segunda edición do Premio Bancaja de Novos Emprendedores da Universidade de Vigo

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
Unha empresa dedicada ás próteses á medida para animais foi a vencedora da segunda edición do Premio Bancaja de Novos Emprendedores que outorga a Universidade de Vigo.
 
A iniciativa, denominada BETA (Biomechanical Engineering & Technical Assistance), comezou a súa andaina hai un ano de mans da enxeñeira industrial Bibiana M. Rodiño, quen realizara a súa tese de doutorado sobre este ámbito. A emprendedora conta coa colaboración do Instituto Metalmecánico de Valencia (Aimme), que se encarga de fabricar as pezas, principalmente en titanio, a través dun sistema de 3D.
 
A función de Rodiño é axudar a resolver os problemas que algunhas clínicas veterinarias poden ter á hora de atopar unha prótese para determinados animais, os cales por ser pequenos ou por ter moita actividade, non poden facer uso dunha placa comercial.
 
A premiada, que é o seu propio xefe, destacou que a súa iniciativa "mestura picos de ilusión e de conxuntura", tendo en conta que este campo non está moi explotado en Galicia.
 
Pola súa banda, o reitor da Universidade de Vigo, Salustiano Mato, destacou que o galardón trata de "recoñecer, impulsar e difundir, no ámbito universitario, os valores e principios propios da cultura emprendedora".
 
Ademais do premio principal, o xurado acordou entregar dous accésits a outras dúas iniciativas presentadas, a causa da súa calidade e potencialidade. O primeiro deles foi para os irmáns Florentino e Plácido José Míguez Durán, responsables dunha empresa de deseño e fabricación de vehículos eléctricos para aplicacións profesionais específicas.
 
O segundo destes recoñecementos foi para o enxeñeiro informático Rafael Sousa, quen se presentou ao concurso co seu proxecto de fin de carreira. Este consiste nunha plataforma online de compra-venda de recambios para coche procedentes de despeces.
 
Un total de 11 proxectos concorreron á edición deste ano, abranguendo ámbitos que van dende as enxeñerías ou o xurídico-social ata o das humanidades, segundo explicou a coordinadora da Cátedra Bancaja, Ana Gueimonde.
 
(Fonte: Innovamás)