Traballar en verán mellora a túa capacidade de innovar

Buscar

Susbcrición Newsletter

Introducir e-mail

Arquivo mensual

Non ir de vacacións e quedar traballando durante os meses de verán non é algo tan negativo, tal e como apunta a coach e profesora do máster de dirección e xestión de recursos humanos, Gina Aran, que apostilou que "o bo clima, máis tranquilidade no lugar de traballo e menos interrupcións favorecen a nosa capacidade para innovar".

O consultor de estudos de economía da Universidade Aberta de Cataluña (UOC) Jaume Martí continúa nesta liña positivista xa que considera que o traballo en verán ten un clima con máis tranquilidade e menos interrupcións, o que xera poder estar máis relaxado.

Aran incide en que se se ten un bo ambiente e se seguen unha serie de pautas, pódese traballar de mellor maneira durante estes meses. Recalca que a temperatura e a ventilación son uns factores moi importantes para evitar situacións de abafo; comer lixeiro e beber líquidos de forma constante axudan a sentirse máis livián; ademais hai que pensar nas vantaxes que supón como menos tránsito e máis tranquilidade.

Ao seu xuízo, é o momento perfecto do ano para combinar traballo e ocio, poder facer escapadas a fin de semana e realizar actividades polas tardes, así como terminar os traballos que queden pendentes e planificar correctamente o resto do ano. Así mesmo, ao estar nun clima moito máis relaxado, é un bo momento para os traballos que requiran un alto grao de concentración.

Outra das vantaxes é o tempo do que se dispón para innovar na organización e planificación de temas relacionados coa empresa e aproveitando o bo tempo. A especialista recorda que se está máis aberto e con máis ganas de renovación, así como de cambio do noso espazo de traballo, para que todo o vello e innecesario non pare as novas ideas coa desorde.

Os expertos sinalan a que o retorno dos compañeiros ao traballo pode ser un choque e hai que afrontalo de maneira relaxada e con paciencia. "É un cambio no clima de traballo pero hai que recordar que o noso traballo está ao día e temos un guión estruturado e unha boa previsión para os próximos meses", sinalou Aran.

Martí apuntou a que "os que acaban de chegar volverán ao traballo cunha percepción negativa de regreso á rutina e ao traballo". Ademais, como os ritmos de incorporación son lentos débese ser tolerante co rendemento dos demais. Aran recomenda facer unha reunión de equipo para "reengancharse" e repetila outra vez nun par de semanas.

As vacacións, necesarias

A pesar de todo isto, é moi recomendable tomar vacacións aínda que non sexan en época estival. O experto apuntou a que "é necesario unha parada suficientemente longa para poder desconectar, é dicir, máis de 3 ou 4 días". Da mesma maneira, Gina Aran recomenda unhas vacacións antes de Nadal e sinala os meses de setembro e outubro como os idóneos.

(Fonte: EP)