O coworking "Igape-EOI-Tecnópole" nace como un novo espazo para a actividade económica e profesional, destinado a impulsar ideas de negocio viables. A convocatoria está aberta a emprendedores cun proxecto empresarial en fase temperá de desenvolvemento ou cunha empresa creada recentemente -non máis de seis meses antes da súa incorporación ao espazo coworking-.
O Consello da Xunta aprobou un convenio de colaboración entre a Vicepresidencia segunda e Consellería de Economía, Empresa e Innovación –a través do Igape–, a Asociación de Xoves Empresarios de Ourense (AJE Ourense) e o Parque Tecnolóxico de Galicia – Tecnópole, para a posta en marcha dun polígono virtual que ofrecerá a pemes e autónomos galegos distintos servizos dixitais para a xestión e a relación con clientes e provedores, así como servizos en liña de asesoramento profesional no ámbito legal e administrativo.
A startup galega Laminfy lanza a súa nova solución dixital, que vén mellorar o crecemento en liña e as relacións comerciais entre profesionais do sector do deseño, a planificación e a construción de espazos (arquitectos, interioristas, reformas e rehabilitacións, homestagers...).
A empresa lalinense Aerocamaras doou á Palma un dron destinado á procura de animais e formará de forma gratuíta aos pilotos locais. A compañía, que colabora co Servizo Integral de Animales de Canarias (SIACAN), doou 1000 euros á entidade para apoiar unha campaña de crowfunding aberta destinada a continuar rescatando animais que quedaron atrapados entre as coadas de lava. SIACAN leva traballando de forma voluntaria desde que comezou a erupción do volcán de Cumbrevieja.
“Ibérica de Esponjas Vegetales” é unha empresa agroforestal galega pioneira no cultivo de luffa para a fabricación de esponxas vexetais de uso cosmético e estropallos de cociña ecolóxicos. Con sede na localidade pontevedresa de Caldas de Reis, é a principal empresa europea dedicada ao cultivo e procesado desta especie vexetal. Froito de anos de investigación, conseguiron unha variante xenética propia e, como resultado, unha fibra vexetal de moi alta calidade.
A empresa ourensá Lincbiotech, con sede en Tecnópole, lidera unha iniciativa cuxo obxectivo é atopar un tratamento para a covid-19. O proxecto, chamado “BioTICfinder”, busca atacar certas proteínas que compoñen o virus a través de aptámeros, isto é, unhas secuencias de ADN que adoptan a forma de estruturas tridimensionales únicas, o cal lles permite recoñecer un branco específico con grande afinidade.
Dinamizar as economías locais apoiando a creación de emprego de calidade e aproveitando os recursos e fortalezas das distintas zonas da comunidade para crear novas oportunidades económicas, fixar poboación e fomentar novas alternativas para facer os pequenos concellos máis atractivos e competitivos son algúns dos obxectivos da rede de coworkings que a Xunta de Galicia puxo en marcha en 2016 e que reactivará no primeiro trimestre de 2022 coa posta en marcha de once espazos.
A Academia Galega de Belas Artes nomeou ao deseñador Roberto Verino novo membro da entidade para cubrir a sección de Artes da Imaxe. En 2022 a firma homónima do deseñador cumpre o seu corenta aniversario.
O deseñador conta cunha longa traxectoria na industria da moda. Verino estudou a carreira de Belas Artes en París, onde residiu nos anos sesenta, logo regresou a España e creou a súa primeira colección baixo a marca Roberto Verino, en 1982. Ao ano seguinte abriu a súa primeira tenda en París.
A irrupción dos drons na sociedade non fixo máis que empezar. Son o presente e o futuro, chamados a converterse nunha ferramenta fundamental nos servizos de loxística.
A Xunta de Galicia activará, no primeiro trimestre do vindeiro ano, tres novos espazos coworkings na provincia de Ourense. Este tipo de lugares de traballo, destinados a emprendedores e que contemplan no seu conxunto distintas actividades e asesoramento, están deseñados para aumentar as posibilidades de éxito de proxectos innovadores en fases temperás de desenvolvemento, e permitiron até agora impulsar un cento de iniciativas emprendedoras na provincia.
