Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

A automoción de Vigo pide axilidade á UE para desenvolver o coche de hidróxeno

Stellantis (antiga PSA) pide que se «axilicen os trámites» en Madrid e na Unión Europea para executar os investimentos do proxecto AutoAncora. A factoría viguesa pilota con Ceaga e o CTAG esta iniciativa do sector da automoción, a máis potente de cantas aspiran en Galicia a obter os fondos de recuperación Next Generation, cun investimento previsto de máis de 1300 millóns de euros e a creación de 900 postos de traballo.

Bo ano no hipersector das TIC en Galicia, que medra ata sumar 24.400 empregos

No peor da pandemia, cando poucos sectores máis aló da distribución de alimentos poden presumir de xerar oportunidades laborais, o coñecido como hipersector do TIC -tecnoloxías da información e a comunicación- medrou en Galicia ao longo de 2020 por riba da media estatal e pechou o ano con 24.393 traballadores, tras un aumento do 0,2% fronte a 2019, segundo un informe do Observatorio da Sociedade da Información en Galicia (Osimga), entidade adscrita á Amtega.

A Universidade deseña novos procesos para recuperar tintes téxtiles das augas residuais

A industria téxtil é unha das máis contaminantes en todo o mundo polo seu elevado consumo de auga e, entre outros compostos, polos colorantes das súas verteduras residuais. O grupo de Procesos de Separación Avanzada, do departamento de Enxeñaría Química da UVigo, traballa en novos procesos que permitan ás empresas recuperar e reutilizar as tinguiduras dentro dos principios da economía circular. O proxecto, financiado dentro da convocatoria nacional de Retos de Investigación, busca novos disolventes, naturais e baratos, para que sexan fáciles de implantar no sector.

Motor, metal e madeira: as tres M que impulsan á exportación galega

O barómetro de exportacións (Baexga) que elabora o Foro Económico de Galicia certifica que o mal comezo de xaneiro foi unha “fochanca” xa superada e agora, tras a recuperación experimentada en febreiro, a emisión de mercadorías “volve á senda de achegamento” aos niveis previos á pandemia, alcanzando o 91,6% daqueles valores. En toda España están aínda no 88,5%.

Galicia quere levantar a construción con madeira con 29 millóns en axudas

A candidatura galega de proxectos aspirantes a captar fondos europeos para a recuperación integra catro iniciativas centradas en dar unha lombeirada e modernizar a industria forestal cun investimento total de 41,4 millóns de euros. Destes recursos, algo máis de 70 cada 100 euros -29,4 millóns- destinaríanse a un plan de axudas para potenciar o uso de madeira local na construción. Trataríase de subvencións para familias e empresas que aposten por este material en edificacións e infraestruturas en contornas urbanas e rurais e na esfera industrial.

Greenalia, a por cimentacións flotantes ‘made in Galicia’ para a eólica mariña

Greenalia é unha das compañías que nunca escondeu que pretende aproveitar o inmenso potencial da eólica mariña en Galicia. O seu presidente, Manuel García, avanzou a súa proposta para impulsar, xunto con diferentes socios, un proxecto de fabricación e ensamblaxe de cimentacións flotantes en Galicia en paralelo ao desenvolvemento desta fonte nas costas. O plan xa foi trasladado pola compañía ao Ministerio de Transición Ecolóxica a través dun manifesto de interese na última convocatoria aberta pola administración central, informan fontes da compañía enerxética.

Usan drons no Xistral para estudar a riqueza vexetal

Drons na Serra do Xistral. O seu emprego permite lograr imaxes nítidas, máis que as que se logran por satélite, e a súa finalidade é científica, derivada do estudo da flora que se realiza nesa zona. O traballo, denominado Life in common land, está impulsado pola Deputación de Lugo coa colaboración da Universidade de Santiago de Compostela (USC) e da Universidade da Coruña (UDC).

Enerxía verde que convence a pemes e institución galegas

No nicho das enerxías renovables atopou o seu espazo a empresa ourensá Solgaleo. Creada no ano 2018, está en plena fase de crecemento con tres liñas de traballo diferenciadas e que abranguen desde a simple subministración enerxética a empresas e particulares até o autoconsumo. Unha terceira vía de negocio ten que ver coa xestión de residuos e os equipos de contenerización.

O investimento en ciencia foi un 42% menos en 2020 que en 2009

O Goberno español investiu o ano pasado uns 2658 millóns de euros en investigación científica, desenvolvemento e innovación (I+D+I), case un 42% menos que en 2009, segundo os datos do Ministerio de Ciencia. O presidente do Goberno, Pedro Sánchez, presentou o 9 de xullo de 2020, tras a primeira onda da pandemia, un plan de choque para impulsar a ciencia española, lastrada por unha década de recortes.

Volve o campamento tecnolóxico de verán de Tecnópole

O Parque Tecnolóxico de Galicia -Tecnópole- promove, un ano máis, a IX edición do campamento tecnolóxico de verán T2W -Tecnópole Technological Workshops-, en colaboración coa Consellería de Economía, Empresa e Innovación da Xunta de Galicia.

ASPANAS está a preparar os kits con material científico que recibirán os participantes en Galiciencia

Galiciencia é a maior feira científica que se celebra na nosa comunidade, promovida polo Parque Tecnolóxico de Galicia -Tecnópole- desde 2006. Diríxese a estudantes de Primaria, Secundaria, FP e Bacharelato. Conta co apoio da Xunta de Galicia, a través da Axencia Galega de Innovación (Gain); e coa colaboración da Fundación Española para la Ciencia y la Tecnología (FECYT) – Ministerio de Ciencia e Innovación. Esta 16ª edición celebrarase os días 26, 27 e 28 de maio, coa temática “A innovación Pos-COVID a través da revolución do talento”.

Novos cursos para nen@s e moz@s a través da plataforma online Steambites

A plataforma de formación experimental e a distancia Steambites arrincaba a finais do pasado ano impulsada polo Parque Tecnolóxico de Galicia e Atresmedia Formación. É unha alternativa para @s moz@s que desexen aprender e experimentar en materia de ciencia e tecnoloxía.

Os participantes reciben un kit nos seus domicilios con material científico e tecnolóxico, que lles permite ir aplicando os coñecementos impartidos a través da plataforma online. Ademais, os alumnos dispoñen de licenzas para as aplicacións que o requiran, como Minecraft ou Cospaces.

Páxinas