Coren é o maior cliente do transporte ferroportuario de Galicia. Dous terzos das mercadorías que son transportadas por ferrocarril procedentes dos portos galegos teñen o seu destino nas factorías de procesado de pensos que a cooperativa ourensá posúe en San Cibrao das Viñas. En 2020 supuxo un volume superior ás 300.000 toneladas, dun total de algo menos das 450.000 que foron descargadas en todos os portos galegos e transferidas aos seus respectivos destinos a bordo de trens mercantes.
Akunatura é unha empresa experta nas necesidades analíticas tanto de empresas privadas como públicas que comezou a súa andaina en 2007. O seu prestixio non deixou de medrar grazas á variada gama de servizos relacionados coa saúde. Conta cun laboratorio de análise clínica onde se realizan análises de sangue, ouriños, cultivos, análises microbiolóxicas… Traballan con aseguradoras e clínicas de toda Galicia.
O Consello da Xunta aprobou unha nova liña de axudas para consolidar pequenas e medianas empresas (pemes) do sector biotecnolóxico con menos de oito anos de antigüidade. Destinaranse a este fin até tres millóns de euros, procedentes dos fondos REACT-UE.
A Xunta de Galicia pon en marcha unha nova edición do programa “Responsabilízate”, unha iniciativa que ofrece asesoramento gratuíto para apoiar ás pemes a incorporar criterios sustentables na súa xestión a través da aplicación de valores ambientais, sociais e de gobernanza, así como no desenvolvemento da Responsabilidade Social Empresarial (RSE).
A Xunta ofrece o Bono de Enerxía Peme ás pequenas e medianas empresas para renovar os seus equipamentos e lograr un maior aforro enerxético. Este programa impulsouse o ano pasado para reactivar a economía debido á situación xerada pola Covid-19. Agora vólvese a convocar dentro do plan de choque da Xunta de Galicia para facer fronte á actual carestía dos produtos enerxéticos e a inflación.
O Goberno lanzará a segunda convocatoria do kit dixital para dixitalizar pemes cos fondos europeos en xuño ou xullo para firmas de entre tres e nove traballadores, mentres que a terceira iniciarase en setembro ou outubro para compañías e autónomos de entre cero e dous empregados. Así o confirmou o director xeral de Red.es, Alberto Martínez Lacambra, quen desvelou que ambas estarán dotadas con 500 millóns de euros cada unha, como a primeira convocatoria, ampliables segundo as peticións que reciba o seu departamento, dependente do Ministerio de Economía.
As pemes innovadoras galegas que desexen participar no programa de aceleración “Galicia Avanza” para favorecer a súa internacionalización teñen de prazo até o 3 de maio para presentar as súas solicitudes. Este programa, que se porá en marcha desde Tecnópole, xorde da colaboración entre a Vicepresidencia segunda e Consellería de Economía, Empresa e Innovación -a través da Axencia Galega de Innovación (Gain) e do Instituto Galego de Promoción Económica (Igape)- e o Parque Tecnolóxico de Galicia.
Non é necesario ser un experto para poder investir en Bolsa. A aplicación Senseizero, creada por dous mozos galegos, é hoxe unha potente ferramenta que empregan tanto investidores experimentados como aquelas persoas con menor cultura financeira. Esta startup naceu no seo da aceleradora de Abanca co obxectivo de dar accesibilidade e oportunidades de investimento a usuarios non tan experimentados no mundo das finanzas, pero tamén para educar á poboación máis nova co fin de que perdese o medo a investir.
O crecemento exponencial da firma Aerocámaras, que cumpre tres lustros de vida en 2022, que se sitúa cada ano en taxas de crecemento por enriba do 50% e que rolda os dez millóns de vendas cativou o interese dos fondos de capital privado. As negociacións posibilitaron que un deles, Nexxus Iberia, acabe de pechar a adquisición dunha parte significativa da empresa, que nestes intres lidera no noso país o desenvolvemento, formación, vendas, xestión aeronáutica e servizos profesionais con drons.
O Informe de medidas en materia de ciberseguridade lideradas pola Xunta de Galicia fai referencia a actuacións en marcha ou que comezarán a aplicarse en 2022 e que suman investimentos de preto de 18 millóns de euros. O informe enmarca as actuacións da Xunta en materia de ciberseguridade nun decálogo de medidas de tres tipos: as infraestruturas e operacións, a estratexia de colaboración público-privada, e a formación e concienciación.
A Asociación Galega do Hidróxeno AGH2 nace para representar os intereses comúns das diferentes organizacións que operan no ámbito da tecnoloxía de hidróxeno en Galicia, acompañando e fomentando a colaboración entre empresas e administracións públicas para promover proxectos de investigación, desenvolvemento e innovación.
A Xunta, a través da Axencia Galega de Innovación (Gain), o Igape e XesGalicia, dependentes da Vicepresidencia segunda e Consellería de Economía, Empresa e Innovación, convoca dúas novas edicións da aceleradora do sector aeronáutico BFAero, cun investimento total que poderá alcanzar os 7,2 millóns de euros e que pretende apoiar a 25 empresas deste ámbito.
