Newsletter

Buscar

Susbcrición Newsletter

Introducir e-mail

Vindeiros eventos

Aberto o prazo de solicitude de axudas do programa Innplanta a través de Tecnópole

As axudas do programa Innplanta foron convocadas mediante publicación no BOE o pasado 4 de xuño. O prazo continuará aberto ata o próximo 27 de xuño e todas as empresas e centros de Tecnópole interesados en solicitalas deben presentar a documentación a través da sociedade xestora antes do día 23 de xuño.

Tecnópole celebra o Día Mundial do Medio Ambiente co II Concurso Fotográfico 'Tecnoambiental'

Parque Tecnolóxico de Galicia celebra o Día Mundial do Medio Ambiente convocando a segunda edición do seu Concurso Fotográfico 'Tecnoambiental', aberto á participación de todos os traballadores das empresas e centros tecnolóxicos de Tecnópole ata o 30 de xuño.

As pemes e entidades galegas do sector das renovables informaranse en Ferrol sobre o tema Enerxía do Sétimo Programa Marco

Representantes de pemes e entidades galegas do sector das enerxías renovables están convocados á xornada organizada no marco do proxecto europeo ER-INNOVA, do que Tecnópole é xefe de fila, sobre as próximas convocatorias do tema Enerxía e dos Programas Regions of Knowledge e Research Potential do Sétimo Programa Marco (FP7).

Agroamb amplía instalacións para triplicar a súa produción

Agroamb, grupo líder en Galicia na valorización de residuos biodegradables para fertilización de chan agrícola e forestal, comezou xa as obras de ampliación das súas instalacións técnicas, situadas no lugar de Ponte de Outeiro, en Castro de Rei (Lugo), para poder cubrir a demanda que ten. A empresa conta tamén cun centro de traballo en Tecnópole.

Formato Verde pon en marcha un sistema pioneiro de xestión online de colectores soterrados

A empresa Formato Verde, con sede en Tecnópole, puxo en funcionamento unha proba piloto no concello madrileño de Colmenar Viejo. Trátase dun sistema pioneiro de xestión online de recollida de residuos urbanos, cuxo obxectivo será realizar unha recollida máis eficiente en tempo e custos.

Galicia ensaia un coche intelixente deseñado para evitar accidentes de tráfico

Denomínanse ITS, sistemas intelixentes de transporte, e salvaron moitas vidas nas estradas galegas: radares, paneis informativos, airbags, sistemas de freado e de control de tráfico. Recentemente celebrouse unha xornada en Santiago na que se presentou o programa Siscoga, un proxecto de I+D posto en marcha pola Dirección Xeral de Tráfico (DGT) e o Centro Tecnolóxico de Automoción de Galicia para interconectar os coches coas infraestruturas viarias e reducir así a sinistralidade nas estradas.

A seca de crédito lastra tamén o investimento empresarial en I+D

A Fundación Cotec reclama á banca que conceda máis empréstitos ás empresas innovadoras para evitar que todo o peso recaia na Administración. O gasto en I+D caeu un 1,7% en 2010, segundo o avance feito público polo INE. Trátase do segundo ano consecutivo de descenso dende 1994, provocado polo menor gasto público e a restrición de crédito ás pemes.

O Goberno central destinará 20 millóns a empresas de base tecnolóxica en 2011

O Consello de Ministros aprobou a firma do convenio entre o Ministerio de Industria, Turismo e Comercio e a Empresa Nacional de Innovación, ENISA, que permitirá a implementación en 2011 dunha liña de financiamento para o desenvolvemento de proxectos de pequenas e medianas empresas (PEMES) de base tecnolóxica (liña EBT).

Bernat Soria avoga por modelos público-privados en investigación

O catedrático de Fisioloxía, investigador e exministro de Sanidade Bernat Soria avoga pola colaboración público-privada en investigación como vía para camiñar cara a "modelos que permitan funcionar mellor". O científico defendeu os "modelos mixtos" nunha conferencia organizada polo grupo Agora UDC -que aspirará ao Reitorado coruñés nas próximas eleccións- que se celebrou na sede da Coruña da Fundación Caixa Galicia e na que Soria expuxo os beneficios do investimento en investigación para o conxunto da sociedade.

O plástico do futuro será de froitas e plumas

Cando dentro de centos de anos os arqueólogos descubran algún vestixio da sociedade de hoxe, é probable que atopen antes restos de lixo que de arte ou arquitectura. Dende que, en 1909, o químico estadounidense de orixe belga Leo Hendrik Baekeland obtivo o primeiro polímero sintético, a baquelita, vivimos envoltos nun mundo que depende do plástico, un dos materiais máis daniños para o medio ambiente. Unha botella de auga ou un vaso desbotable poden tardar entre cen e mil anos en ser asimilados de novo pola natureza.

Tecnoloxía española para atacar os incendios de noite

O grande incendio desatado días atrás no norte de Ibiza (Baleares) foi o desgraciado pistoletazo de saída para a campaña de verán de todos os implicados en loita contra os incendios forestais. Uns incendios que, na última década, arrasaron cada ano unha media de 127.209 hectáreas de superficie forestal, segundo as estatísticas do Ministerio de Medio Ambiente.

Tecnoloxía para lograr unhas estradas silenciosas

O centro tecnolóxico español Cidaut investiga unha novidosa tecnoloxía destinada a atenuar o ruído das cidades. Baixo o paraugas do proxecto Pass By, Cidaut traballa con novos materiais co fin de fabricar pavimentos das beirarrúas, estradas ou vías do ferrocarril que reduza ata case desaparecer as vibracións, o ruído e a contaminación.

Páxinas