Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

A Universidade de Vigo proba con éxito o seu novo satélite

A Universidade de Vigo probou con éxito un novo nanosatélite, o HumSAT-D, que acaba de superar dúas semanas de probas, e que será ensamblado proximamente en Roma e posto en órbita, entre finais de maio e xuño, dende Rusia.

A Xunta quere unha versión galega de Android

A Xunta de Galicia solicitou a Google a tradución ao galego do sistema operativo Android, baseado no software libre, co fin de que estea dispoñible nesta lingua para todos os cidadáns da comunidade con independencia do terminal que utilicen.



Vigo é a única cidade de España con muíños eólicos integrados na iluminación

Vigo converteuse en cidade pioneira na aplicación de enerxías renovables na iluminación pública. A urbe é a única de España con muíños eólicos integrados na rede de iluminación e só existe unha experiencia similar na ponte do Milenio de Valladolid, pero cunha potencia real moi inferior á de Vigo. A enerxía que subministran os aeroxeradores nas zonas nas que se sitúan vai dende o 11 ao 35% e equivale ao consumo anual de seis fogares.

O emprendedor español investiu un 40% menos para montar o seu negocio en 2012

O capital investido polo emprendedor español para poñer en marcha un negocio derrubouse un 40% en 2012, ata situarse en torno os 18.000 euros de media, se ben a cifra máis frecuente oscilou entre os 5000 euros, un 75% menos que en 2011, segundo o informe Global Entrepreneurship Monitor (GEM).

Un enxeñeiro xubilado de Talgo nomeado ao Premio ao Inventor Europeo 2013

O enxeñeiro ferroviario José Luis López Gómez, xubilado da firma española Talgo, foi nomeado pola Oficina Europea de Patentes (OEP) ao Premio ao Inventor Europeo 2013 por un sistema de suspensión de rodas que mellora as viaxes en trens de alta velocidade. O método permite que o vagón e as rodas se adapten automaticamente ás pendentes e as curvas e aplícase hoxe en todos os talgos.

Crean tecidos sintéticos con usos médicos cunha impresora en 3D

Fabricar tecidos artificiais con propiedades dos tecidos vivos a partir de miles de gotas de auga e con aplicacións médicas. Iso é o que logrou un equipo da Universidade de Oxford (Reino Unido) grazas a unha impresora 3 D programable que logrou un material tridimensional que algún día podería imitar o comportamento das células nos tecidos.

Emprendedores en busca do seu 'anxo'

Unha forte chuvia de ideas baixo o ceo de Madrid. E ao encontro de moitas destas iniciativas están os business angels, aqueles que se encargan, en certa medida, de que a idea prospere con financiamento, know how, promoción e rede de contactos. Que non quede no camiño. Emprendedores das industrias culturais e creativas e os business angels, da man.

Tecnópole dá a benvida na súa incubadora a dúas novas iniciativas emprendedoras

O Centro de Innovación e Empresas (CEI) de Tecnópole conta con dúas novas iniciativas de emprendemento. Hicom&Technology Business e Spamex Comunicación incorpóranse a dous niños da incubadora principal do Parque Tecnolóxico de Galicia para desenvolver a súa actividade nos sectores da electrónica de consumo e das telecomunicacións, respectivamente.

Tecnópole acolle unha xornada informativa sobre os empréstitos participativos de ENISA

O próximo día 12 de abril Tecnópole acollerá unha xornada informativa sobre os empréstitos participativos da Empresa Nacional de Innovación (ENISA), dirixidos a apoiar a creación, crecemento e consolidación de proxectos empresariais mediante un presuposto total de 126 millóns de euros.

Alumnos das Aulas Tecnópole premiados no maior certame científico de España pola súa estratexia para recuperar chans queimados con residuos de celulosa

O estudo sobre a fertilidade dos chans queimados e o deseño de estratexias para recuperalos, traballo realizado por Queila Bouza e Miguel Gómez, resultou premiado no maior certame científico escolar de España, a Exporecerca, celebrada recentemente en Barcelona. O proxecto, que participara na última edición da Galiciencia, foi desenvolvido no marco das Aulas Tecnópole, o programa de capacitación en habilidades científicas e innovadoras organizado polo Parque Tecnolóxico de Galicia e financiado pola Consellería de Economía e Industria.

Gradiant pecha 2012 con máis de 4 millóns de euros de ingresos

O Centro Tecnolóxico de Telecomunicacións de Galicia (Gradiant) continúa a súa progresión ascendente tras case 5 anos de funcionamento. Proba disto é que pechou o ano 2012 cuns ingresos totais superiores aos 4 millóns de euros, un 28,10% máis que a media 2010-2011.

As empresas innovadoras crecen un 59% en España

O número de empresas innovadoras crece un 59% en España, segundo o estudo europeo sobre I+D+I. O Strategic Research Center de EAE Business School presentou o estudo anual "O investimento en I+D+i en España 2013", que dende hai cinco anos analiza o investimento público e privado en innovación en Europa e España. En xeral, España ocupa o posto 16º entre 27 países.

Páxinas