A prótese personalizada que desaparece e rexenera o óso

Buscar

Susbcrición Newsletter

Introducir e-mail

Arquivo mensual

As próteses son extensións artificiais cuxo obxectivo é substituír as partes do corpo humano que fosen perdidas por algún tipo de amputación ou non existan a causa dunha axenesia. A pesar das súas elevadas prestacións, en ocasións, poden ser dun talle que non se axuste ás necesidades biomecánicas do paciente, o que pode afectar a súa mobilidade e reducir o seu confort.
 
A empresa Neo Surgery deu un paso adiante na implantación de próteses personalizadas cun prototipo desenvolvido con materiais innovadores reabsorbibles que permiten facer desaparecer estes dispositivos protésicos cumprindo a mesma función de discos invertebrados que desempeñan as próteses médicas.
 
"Son unhas caixas que permiten a desaparición do material e o substitúe por células que xera o propio corpo do paciente", explica Montse Charles, responsable de operacións.
 
Entre as principais vantaxes que ofrece este pioneiro sistema protésico figura a prestación que evita o uso de materiais médicos externos ao corpo humano. "A prótese desaparece e así evítase o padecemento do paciente das reaccións secundarias habituais tras a implantación dun aparato deste tipo".
 
Xunto a este beneficio únese a rexeneración ósea das zonas máis danadas da persoa intervida. "O material empregado é un polímero, un ácido poliláptico que funciona a xeito de composite que non só logra facer desaparecer a prótese senón que fomenta o crecemento do óso deteriorado", engade esta experta.
 
"O máis novidoso é que logra rexenerar o óso en función das propiedades biomecánicas que require o paciente", subliña Javier Vilana, membro do equipo de investigación de Neo Surgery.
 
73 socios
 
O proxecto, financiado pola Comisión Europea e denominado Custom IMD, conta con 73 socios entre os que figura Aimplás (Instituto Tecnoloxico do Plastico); o centro tecnolóxico Inasmet de Tecnalia e a propia empresa Neo Surgery.
 
A empresa, especializada no desenvolvemento de produtos cirúrxicos ideou unha liña de produtos novidosos que permiten ofrecer prótese á medida do paciente. A súa principal innovación radica en poder proporcionar ás persoas que sofren esta deficiencia "unha maior seguridade na implantación protésica". "Creamos uns modelos que evitan a extrusión da prótese debido a unha maior presión contra a pel", sinala o investigador.
 
Trátase dun aparato protésico que funciona con discos invertebrados e que a xeito de amortecedores se sitúan entre as vértebras da columna para adaptarse como unha luva á fisionomía do paciente.
 
"Implantámola con técnicas non invasivas e conseguimos que a persoa poida realizar os seus movementos diarios coma se non tivese posta unha prótese".
 
A principal vantaxe que ofrece este sistema radica en que pode "reducir tempos" na implantación da prótese e evita as "complicacións habituais que xorden en períodos postoperatorios relacionados co sangrado e outros problemas", conclúe o responsable.
 
(Fonte: El Mundo)