As pemes con patente tecnolóxica gañan impulso

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Na Unión Europea, só unha de cada dez patentes de tecnoloxía propia da cuarta revolución industrial vén dunha empresa pequena ou mediana. En España, esa proporción duplícase: dúas de cada dez destas solicitudes de protección de innovación procede dunha peme, o que supón a terceira proporción máis alta no ranking europeo. Así o evidencia un estudo da Oficina Europea de Patentes (OEP) e o Banco Europeo de Investimentos (BEI), que observa o período entre 2010 e 2018 para analizar o papel das empresas con menos de douscentos cincuenta traballadores ou un volume de negocio inferior aos cincuenta millóns de euros no impulso de tecnoloxías como a computación na nube, a Internet das Cousas, as redes 5G ou a intelixencia artificial.

A principal conclusión deste estudo é que as pemes tecnolóxicas de Europa van por detrás das estadounidenses. Se neste lado do charco o número de empresas medianas e pequenas que patentan nesta área rolda as 2.600, alén cóntanse máis de 6.500. Se na Unión Europea a cifra supón un 10% das compañías que patentan tecnoloxías deste estilo, en Estados Unidos é un 16%.

En España identifícanse 154 sociedades que desenvolven tecnoloxías dixitais avanzadas, o que coloca ao Estado en sétimo lugar dentro da UE, por detrás de Alemaña (570), Francia (400) ou Italia (273), que encabezan a listaxe, pero superando a Dinamarca (111) ou a Bélxica (106). Ademais, a cifra española implica que o 19% das patentes deste estilo proceden dunha peme, unha porcentaxe 13 puntos superior ao de Alemaña (6%).

“A falta de especialización en cuarta revolución industrial de España non se deriva da falta de pemes, senón da falta de grandes empresas españolas activas nesta tecnoloxía”, conclúen os responsables do informe.

Fonte: Faro de Vigo