O primeiro máster en enerxía eólica de España ponse en marcha en xaneiro

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
"Este máster nace co obxectivo de converterse nun referente da educación superior eólica de postgrao a nivel mundial e de acompañar o desenvolvemento da eólica nos países hispanoparlantes". Así define Alberto Ceña, director técnico da Asociación Empresarial Eólica (AEE), o novo Máster en Enerxía Eólica que a UNED comezará a impartir o próximo 19 de xaneiro e que contará coa colaboración da Asociación.
 
O próximo 16 de xaneiro finaliza o prazo para que calquera titulado universitario se poida matricular no Máster en Enerxía Eólica que a Universidade Nacional de Educación a distancia (UNED) comezará a impartir o próximo 19 de xaneiro. Trátase do primeiro máster cen por cento eólico de España e Latinoamérica e un dos primeiros de Europa.
 
A Asociación Empresarial Eólica (AEE), que se involucrou no proxecto dende as súas orixes, asinou un convenio coa UNED polo que participará de diversas maneiras.
 
Ante as necesidades das empresas do sector eólico de contar con profesionais preparados especificamente en enerxía eólica, a UNED lanzou hai dous anos un programa modular de postgrao en Enerxía Eólica con dúas posibilidades: obter o título de Experto Universitario en Enerxía Eólica (para o que son necesarios 20 créditos ECTS) e o de Especialista Universitario en Enerxía Eólica (30 créditos). Dende o Grupo de Traballo de Formación de AEE identificouse a necesidade de elevar o programa a nivel de Máster, cunha esixencia de 60 créditos, co fin de contar con iguais oportunidades ofrecidas polos países dos nosos arredores, como é o caso de Alemaña e Dinamarca.
 
Ademais de expertos de AEE, o equipo docente está formado por profesores de distintas especialidades das escolas de enxeñeiros industriais da UNED e da Universidade Politécnica de Madrid.
 
O programa está dirixido a titulados universitarios que desexen adquirir ou completar unha formación técnica especializada no campo da enerxía eólica, co fin de traballar nun sector que dá emprego a 30.000 persoas. Os contidos céntranse en todos os aspectos, tanto teóricos como prácticos, que demandan as empresas do sector.
 
(Fonte: CV Energía)