O Goberno central anuncia bonificacións ás cotizacións sociais para persoal investigador en I+D+i

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
O ministro de Economía, Luis de Guindos, anunciou que o Goberno autorizará bonificacións ás cotizacións á Seguridade Social para o persoal investigador que se dedique en exclusiva ao I+D+i e avanzou que esta medida afectará tanto aos contratos indefinidos como temporais.
De Guindos respondeu así no Pleno do Congreso á pregunta da deputada do PNV Arantza Tapia sobre as consecuencias da aplicación do decreto de medidas para garantir a estabilidade presupostaria no desenvolvemento da actividade de I+D+i nos centros tecnolóxicos do País Vasco.

O titular de Economía explicou que esta bonificación será equivalente ao 40% das cotizacións por continxencias comúns a cargo do empresario e "será tamén compatible con outras deducións que se puidesen establecer" por I+D+i".

O ministro quixo deixar claro que o Goberno é "consciente" da importancia do I+D+i e en especial nos centros tecnolóxicos, núcleos na prestación de servizos a outras empresas innovadoras.

De Guindos recordou que no decreto do 13 xullo se aprobara unha disposición que eliminaba estas bonificacións pero o 30 de outubro deuse o visto e prace a unha emenda do PP aos PGE de 2013 para recuperar as bonificacións a favor do persoal investigador.

Pola súa banda, a deputada do PNV expresou a súa satisfacción polo anuncio, "dado que o investimento do Estado en I+D+i caeu nos presupostos de 2013 aos niveis de 2005". Tapia sinalou que a bonificación do 40% na dedución da cota da Seguridade Social "paliará, sen dúbida, a medida adoptada no decreto do 13 de xullo e mellorará a situación actual".

(Fonte: Expansión)