O CDTI financiará con 30 millóns de euros a participación de empresas españolas no Programa Iberoamericano de Innovación (PII)

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
O Ministerio de Ciencia e Innovación informou que España participará no Programa Iberoamericano de Innovación (PII), acordado na segunda reunión do Comité Intergobernamental Iberoamericano de Innovación, que reuniu en Brasil dirixentes de 12 países iberoamericanos.
 
Nesta reunión acordouse lanzar o PII, cun investimento aproximadamente 100 millóns de dólares. Con esta dotación, cada país participante poderá financiar a participación das súas empresas nos proxectos de cooperación iberoamericanos en I+D+i.
 
O obxectivo deste programa, situado dende o principio na axenda da Estratexia Estatal de Innovación (e2i) desenvolvida polo Ministerio de Ciencia e Innovación, é reforzar e promover a cooperación iberoamericana en materia de investigación aplicada e innovación tecnolóxica mediante proxectos de I+D+i liderados polas empresas e realizados en consorcios transnacionais con outras empresas, universidades, centros tecnolóxicos e/ou de investigación ou outros actores de diversos países.
 
A devandita iniciativa contará con sete liñas de actuación: proxectos de I+D+i; plataformas tecnolóxicas sectoriais iberoamericanas; apoio ás novas empresas de base tecnolóxica; formación e intercambio de boas prácticas; fondos nacionais e multilaterais; apoio á redución de asimetrías; e cooperación con Redes e Asociacións internacionais focalizadas na innovación empresarial.
 
Ademais da participación de España, os países que forma parte do PII son Arxentina, Brasil, Bolivia, O Salvador, México, Nicaragua, Panamá, Paraguai, Uruguai, Perú e Portugal.
 
O financiamento de cada proxecto compete aos seus participantes e ás entidades nacionais financiadoras interesadas. No caso de España, o CDTI será o organismo xestor do programa e prevé financiar as participacións das empresas españolas por valor de 30 millóns de euros. Os créditos que conceda serán ao 0% de interese cun tramo subvencionado de ata o 33%.
 
Este programa terá vixencia ata o primeiro trimestre do ano 2015 e poderá ser renovado sucesivamente por períodos de cinco anos.
 
(Fonte: Ministerio de Ciencia e Innovación)