Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

A Covid frea o despegue das startups da aeronáutica

O sector da aeronáutica galega afrontaba 2020 cunhas esperanzadoras previsións de crecemento da orde do 2% tanto en emprego como en facturación, pero a irrupción do coronavirus fixo que se esfumen por completo estas cifras. En empresas máis maduras indican que se paralizaron pedidos estranxeiros e que ata 2023 non se espera unha recuperación real do sector. Que ocorre no caso de startups e proxectos máis modestos que buscan un oco na aeronáutica galega?

O Chuvi empregará Intelixencia Artificial para distinguir lesións benignas das malignas

Diferenciar quistes renais complexos benignos dos malignos para evitar operacións innecesarias. Ese é o obxectivo do prototipo que funciona con Intelixencia Artificial bautizado como Tatanka e desenvolto pola empresa tecnolóxica viguesa Sivsa no marco da súa estratexia de impulsar sistemas de apoio á decisión médica. O prototipo funciona con algoritmos deep learning e a través das imaxes dos TAC permitirá detectar se o quiste é benigno ou maligno cunha marxe de erro de menos do 10%.

As entidades galegas captan 136 millóns dun programa europeo de innovación

Galicia será a sétima comunidade autónoma en canto a fondos captados do programa marco de I+D+i da Unión Europea, Horizon2020 (H2020), no período 2014-2019. Segundo o último informe publicado polo Ministerio de Ciencia e Innovación, as entidades galegas captaron 135,6 millóns de euros a través de 132 entidades, pola participación en 321 actividades de investigación, desenvolvemento e innovación.

Aeroxeradores con enerxía para abastecer a 300.000 fogares

Medio centenar de aeroxeradores inaugurados hai 25 anos daban o pistoletazo de saída á carreira de Galicia por situarse como un punto xeográfico de referencia na xeración de enerxía eólica. O parque da Capelada, situado ao norte da provincia da Coruña, chegaba moito antes do desenvolvemento do potente plan de expansión de enerxías renovables de Endesa e nun momento no que a térmica das Pontes se atopaba en pleno rendemento. Desde ese parque de cincuenta aeroxeradores de 330 KW de potencia unitaria e cunha potencia conxunta de 16,5 MW, a carteira da compañía multiplicouse.

Vinte empresas galegas van comercializar diferentes solucións na loita contra o impacto da COVID-19 coa axuda de Tecnópole e a Xunta de Galicia

O Parque Tecnolóxico de Galicia e a Consellería de Economía, Emprego e Industria, a través da Axencia Galega de Innovación (Gain), puxeron en marcha unha aceleradora de pemes especializada na comercialización de solucións contra o impacto da COVID-19. Neste programa, denominado Connect-19, van participar 20 pequenas e medianas empresas innovadoras e/ou de base tecnolóxica de toda a comunidade. A esta iniciativa, á que se van destinar preto de 600.000 euros, presentáronse un total de 53 empresas galegas.

A empresa de Tecnópole Fentotek desenvolve un ventilador sanitario

A covid-19 xerou nestes últimos meses unha alta demanda de novos materiais sanitarios cos que estar protexidos contra a pandemia. Ante esta situación diversas empresas ampliaron o seu abano produtivo converténdose en fabricantes de mamparas, pantallas e respiradores, entre outros.

Viticultores galegos empregan drons para reducir un 20 % o uso de fitosanitarios no viñedo

Drons que estudan o viñedo e elaboran un mapa da cantidade de vexetación que hai en cada parte da parcela. Unha aplicación que, a partir dese mapa, deseña outro no que establece a cantidade de fitosanitario que se debe aplicar en cada parte da leira en función precisamente da vexetación que existe en cada lugar. E tractores que, de forma automática, interpretan todos eses datos e regulan eles sós a cantidade de produto que se debe aplicar en cada parte do viñedo.

Máis de 3,3 millóns de euros para mellorar os parques empresariais

A Xunta de Galicia resolveu a orde de axudas para a mellora de infraestruturas dos parques empresariais galegos, que beneficiarán a un total de 29 municipios -todos eles Concellos Emprendedores-, unha iniciativa enmarcada dentro da Lei de implantación empresarial e que ten como obxectivo contribuír á captación de investimentos para Galicia.

Adolfo Domínguez aumentou un 30% as súas vendas en catro anos

O grupo Adolfo Domínguez incrementou a rendibilidade e as vendas comparables un 30% no últimos catro exercicios, segundo o plan establecido, tal como destacou a nova presidenta executiva da compañía, Adriana Domínguez, ante os accionistas da firma de moda ourensá.

Convocan axudas para fomentar o uso da madeira en construción e envases

O sector forestal aspira a converterse nun dos motores da bioeconomía como aliado indiscutible do Green Deal que promove Bruxelas. Este Pacto Verde ten por obxectivo reducir as emisións de CO2 implicando aos diferentes sectores da economía.

A automoción frea o desplome de exportación pola covid-19 e lidera o negocio exterior galego

Galicia incrementou por enriba do 200% as súas vendas en maio a Suecia e Malta, un total de 38,1 e 8,2 millóns de euros respectivamente, polo tirón dos produtos petrolíferos. E ata aí as subidas. Os dous mercados son pequenos grans de area no enorme deserto polo que transita o comercio exterior por culpa da crise global provocada polo coronavirus. O resto dos grandes destinos dos produtos fabricados na comunidade arroxan de novo grandes números vermellos, aínda que suavizados tras o desplome do 56,2% rexistrado en abril.

Crean un detector rápido de coronavirus en superficies de procesado de alimentos

Investigadores do CSIC desenvolven un detector rápido de coronavirus para superficies de procesado de alimentos, un dispositivo de probas automatizadas que se instalará directamente nos centros de procesado e proporcionará resultados en menos dunha hora sen necesidade de instrumentación complexa ou persoal especializado.

O proxecto COVID-19 BAEMitup recibirá un financiamento de 792.000 euros da convocatoria para proxectos de innovación de resposta rápida á COVID-19 posta en marcha polo Instituto Europeo de Innovación e Tecnoloxía.

Páxinas