Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

BFAero busca talentos para captar 7 proxectos de drons

Os drons, dispositivos voadores que non necesitan un piloto humano a bordo, teñen un futuro do máis prometedor, xa que a tecnoloxía civil nestes aparellos marcha máis rápido que a tecnoloxía militar e cada vez cóntase con máis drons capaces de realizar actividades complexas de forma precisa e eficaz.

A automoción galega pisa o acelerador da innovación

Catro edicións, 45 novas empresas, máis de 250 postos de traballo e unha facturación de 33 millóns de euros ao peche do 2019 son o sólido aval da quinta convocatoria de Business Factory Auto (BFAuto), un programa que naceu en 2016 promovido pola Xunta, o Consorcio da Zona Franca de Vigo, o grupo PSA e Ceaga e que ten como obxectivo impulsar a aceleración e consolidación de proxectos especializados no sector da automoción para que acaben frutificando en empresas innovadoras e que contribúan a cubrir os ocos na cadea de valor e fortalecer o sector industrial en Galicia.

Unha empresa galega fabricará para Europa unha vacina contra o virus

O grupo biofarmacéutico Zendal, a través da súa filial Biofabri, foi o elixido pola compañía estadounidense Novavax para a produción industrial do antíxeno da súa vacina contra o covid-19 na Unión Europea. Ambas as empresas chegaron a un acordo polo cal a compañía con sede no Porriño será a encargada da fabricación da terapia preventiva, cuxos ensaios clínicos se atopan actualmente na fase 2.

O Chuvi, nun estudo mundial para achar lesións de Covid con intelixencia artificial

Pola súa maior axilidade e dispoñibilidade, ata o momento, a proba de imaxe máis recomendada polas sociedades científicas para contribuír ao diagnóstico da infección Covid-19 é a radiografía simple de tórax. Pero hai pacientes nos que non resulta suficiente ou otros nos que xorden complicacións e cos que resulta útil realizar un escáner -tomografía computerizada ou TC-.

Zendal pilotará o hub de innovación das biotech galegas

A biofarmacéutica porriñesa Zendal, que producirá para Europa a vacina de Novavax a través da súa filial Biofabri, presidirá DATAlife. Trátase do hub de innovación dixital impulsado polo clúster da biotecnoloxía de Galicia (Bioga), Anfaco-Cecopesca, o Cesga, Cetim, o Clúster Saúde de Galicia, o Clúster Tic Galicia, o Clúster de Acuicultura, Energylab, Zendal, Finsa, Gradiant, Televés, Feuga e a USC.

Nacen os premios GirlGeekCovid para incentivar, apoiar e fomentar os estudos STEM entre as mulleres

Segundo o Observatorio da Igualdade da UVigo publicado en setembro, as alumnas son maioría en todos os eidos do coñecemento, excepto no da enxeñaría e a arquitectura, no que representan tan só o 23% do total de estudantes matriculados. Esta infrarrepresentación pode xerar unha enorme fenda económica e salarial nun futuro no que se agarda que o 90% dos traballos pertenzan a estes ámbitos.

A empresa Gerifarma comercializa máscaras ecolóxicas co apoio do programa Connect-19

A empresa Gerifarma comercializa máscaras de tea para nenos e adultos sostibles e ecolóxicas, a partir de fibra vexetal. Este proxecto está integrado no programa Connect-19, impulsado por Tecnópole e a Xunta de Galicia, unha aceleradora de pemes innovadoras especializada na comercialización de solucións fronte á COVID-19.

A empresa Demsu regala pantallas protectoras a todo o alumnado de de Mos, unha iniciativa financiada polo programa Connect-19

O Parque Tecnolóxico de Galicia e a Xunta de Galicia poñían en marcha no mes de xullo o programa Connect-19, unha aceleradora de 20 pemes innovadoras galegas especializada na comercialización de solucións fronte á COVID-19. Entre estas pemes atópase a empresa Demsu -Deseño e Modelado de Superficies-, con sede na localidade pontevedresa de Mos.

Atresmedia Formación e o Parque Tecnolóxico de Galicia impulsan a plataforma de formación experimental online Steambites

O Parque Tecnolóxico de Galicia e Atresmedia Formación puxeron en marcha a plataforma de formación experimental e a distancia Steambites. Nestes tempos de pandemia ofrece unha alternativa para os mozos que desexen aprender e experimentar en materia de ciencia e tecnoloxía.

Unha crema elaborada en Ourense, aliada para previr os contaxios

Ciencia e cosmética danse a man contra a covid-19, a través dun novo proxecto da empresa Glecex. Esta start-up biotecnolóxica ourensá, nacida en 2013, encárgase de prestar servizos avanzados a empresas do sector alimentario, farmacéutico e cosmético, ademais de asesorar en I+D+i a diversas corporacións. Nesta ocasión, e como parte do programa Connect-19, Glecex está en proceso de comercializar produtos cosméticos con compoñentes antivirais que actúen como inhibidores do virus.

Piden o uso de drons para detectar o maltrato animal

A Asociación Animalista Libera quere que o uso de drons, actualmente normalizado para a prevención de incendios durante o verán en Galicia, se estenda a outras loitas e contribúa a pór fin a unha das prácticas máis crueis e denigrantes que sofren os animais, «o encadenamento continuado».

Adolfo Domínguez lanza unha colección limitada cento por cento ourensá

O grupo Adolfo Domínguez lanzou a súa terceira colección limitada confeccionada ao “cento por cento” nos seus talleres de xastrería de Ourense, que está integrada por 186 pezas confeccionadas con liño europeo e que forma parte da nova aposta da firma galega pola sustentabilidade.

A compañía téxtil explica que a colección está “integramente elaborada” con liño europeo e baixo un procedemento zero waste, o que significa que se realiza mediante un sistema de patronaxe creativo que reduce a cero os refugallos durante o seu proceso de elaboración.

Páxinas