As matemáticas ao servizo dos ecosistemas forestais. Fórmulas que nos permiten simular distintos procesos fisiolóxicos, por exemplo, a fotosíntese, na que intervén a temperatura, a humidade do chan, a concentración de dióxido de carbono, a condición nutricional da propia planta, etc. Trátase de entender e predicir que vai acontecer nun determinado bosque, un labor de anticipación que pode estar máis preto grazas ao proxecto Modico.
Se 2019 foi o ano do pago por recoñecemento facial, 2020 será o ano do pago por voz no Payment Innovation Hub, unha alianza entre CaixaBank, Global Payments Inc., Samsung, Visa e Arval que cumpre dous anos de vida. Ao longo deste tempo, o hub especializado en medios de pago e solucións para comercio, situado no Pier01 de Barcelona Tech City, desenvolveu 52 propostas que se materializaron en 16 proxectos.
Un novo produto para mellorar o valor nutritivo do leite, e innovar para administrar tratamentos nas enfermidades autoinmunes e dexenerativas coa súa incorporación a alimentos, son os obxectivos de Statera Labs e Smart Vitamins, dúas empresas emerxentes que comparten como promotor a Alfredo Bermúdez.
Unha de cada tres persoas sufrirá cancro ao longo da súa vida. O achado do grupo Genomas e Enfermidades do CiMUS, dirixido polo doutor José Manuel Castro Tubío, supuxo un gran paso non só para chegar a tratamentos máis eficaces e personalizados contra as doenzas oncolóxicas, senón tamén para chegar a previlas, xa que abren vías para chegar a predicilas ata vinte anos de ser diagnosticadas.
A Asociación de Parques Científicos e Tecnolóxicos de España (APTE) puxo en marcha unha plataforma de formación online, APTEFORMA, con contidos para fomentar o coñecemento das tecnoloxías disruptivas entre os traballadores das empresas e entidades situadas nos parques científicos e tecnolóxicos membros de APTE.
Tras unha primeira experiencia máis que positiva, os responsables da firma Yamaha Motor España volven confiar no Grupo de Tecnoloxías Enerxéticas da Universidade de Vigo para a formación do seu persoal, e fano coa celebración dunha segunda edición dun curso dirixido a dar a coñecer as ferramentas máis modernas de diagnose de avarías nos últimos modelos de motos acuáticas lanzadas ao mercado por esta marca.
O Clúster Alimentario de Galicia presentou a súa primeira convocatoria do BFFood de consolidación. Está pensada para empresas xa constituídas, con polo menos seis anos de antigüidade, cun produto ou servizo definido e primeiras vendas xa realizadas e que estea aliñada con algún dos retos que busca resolver o sector agroalimentario. O prazo de presentación de solicitudes termina o vindeiro 31 de marzo.
A industria do automóbil mundial prevé aumentar o seu investimento en fábricas que aproveitan as tecnoloxías dixitais (fábricas intelixentes) para mellorar a súa produtividade en máis de 145 millóns de euros, segundo o Instituto de Investigación de Capgemini.
O estudo, que seguiu o proceso de adopción da fábrica intelixente durante 2019 por fabricantes de vehículos e provedores, destaca que o sector espera incrementar un 60% (1,35 puntos porcentuais) o investimento destinado ao despregue destes centros en tres anos.
O Instituto Tecnolóxico da Coruña (ITG) e a empresa Everis Aeroespacial, Defensa e Seguridad (Everis ADS) lanzaron AIRUS, a unidade Mixta que pretende automatizar a xestión integral do espazo aéreo que van a ocupar os drons en voo.
Trátase dunha solución tecnolóxica para controlar aos drons pois "a xestión do tráfico aéreo é un problema que aínda está por resolver" e dependerá tamén da regulación que se está elaborando, explicou o vicepresidente executivo de Everis, Juan Bosco, este mércores na presentación da Unidade.
Imaxínanse un alimento que, ademais de todas as súas propiedades nutritivas axude a previr ou a curar unha enfermidade autoinmune? Ou poder poñer fin á escaseza de terras mediante diferentes técnicas de cultivo que permiten sacar adiante producións en espazos reducidos? A industria do futuro xa está aquí e o sector agroalimentario galego non é alleo a ela. Todo o contrario.
Hai vida máis alá das galerías na mina da Penouta, en Viana do Bolo. O recinto, explotado pola empresa Strategic Minerals, foi o campo de probas do Centro Superior de Investigacións Científicas (CSIC) durante o último ano, nun proxecto conxunto coa propietaria das instalacións enfocado a recuperar estaño das escombreiras e extraer, da escoria resultante, dous dos metais máis apreciados pola industria tecnolóxica: o niobio e o tántalo. Da súa combinación resulta o coñecido como coltán, clave para a fabricación de teléfonos móbiles.
O edificio Miralles da UVigo foi o escenario para a presentación da posta en marcha do Laboratorio Transfronteirizo de Biotecnoloxía Mariña, un proxecto en rede que busca a excelencia neste campo grazas á colaboración entre institucións e organismos galegos e portugueses. Esta iniciativa, denominada BlueBioLab e liderada polo Campus do Mar, nace como unha posta en común das infraestruturas existentes en Galicia e o norte de Portugal.
