Micropantallas OLED de alto rendemento para a nova xeración de lentes intelixentes

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

O aumento constante da resolución e o tamaño das pantallas é unha tendencia continua no sector tecnolóxico. Non obstante, ao aumentar máis rápido a resolución que o tamaño, é necesario lograr tamén unha maior densidade de pixel. As micropantallas OLED grandes desenvolvidas no proxecto "Large cost-effective OLED microdisplays and their applications" (LOMID) poderían resultar útiles neste sentido e outorgar a Europa unha vantaxe competitiva.

Esta tecnoloxía considérase, ademais, cada vez máis necesaria para aplicacións nas inmediacións do ollo como as lentes de realidade virtual. De feito, nos próximos anos, as micropantallas OLED poderían cobrar un gran protagonismo nun mercado valorado en 1700 millóns de dólares para 2027.

Para transformar o seu potencial en aplicacións comerciais, será necesario que estas micropantallas sexan enormemente flexibles, teñan gran resolución en áreas grandes e se poidan producir con rendementos aceptablemente elevados.

O proxecto LOMID coordinado polo Dr. Uwe Vogel del Fraunhofer FEP, teno todo para cumprir con todas as expectativas. As micropantallas curvas de 13 x 21 mm do proxecto presentan un reconto de pixeis de 1920 x 1200 (WUXGA) cunha densidade superior a 2000 ppi e xa se fabricaron cun rendemento de produción axeitado.

O consorcio agora traballa na mellora do devandito rendemento para poder competir en mercados nos que o prezo é un factor tan importante como as prestacións. A tecnoloxía estase a ensaiar xa en lentes intelixentes para aplicacións de realidade virtual e persoas con discapacidade visual.

(Fonte: CORDIS)