Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Coren abre unha planta na que nacerán 100.000 pavos á semana

Até cen mil pavos á semana nacerán nas novas instalacións do grupo alimentario Coren no concello ourensán de Vilamarín. A cooperativa acaba de pór en marcha unha incubadora que equipou coa última tecnoloxía e que lle permitirá algo que non podía facer até agora: completar o ciclo de produción de pavo nas súas instalacións.

O dron “Targus” comeza as súas probas de voo no aeródromo de Rozas

A Xunta e a compañía Indra comezaron as probas de voo finais do “Targus”, o avión opcionalmente pilotado civil “máis avanzado desenvolto até a data en España”, segundo destaca a Consellería de Industria.

Feita no marco do polo aeroespacial de Rozas, en Castro de Rei, a nave está preparada para dar apoio en misións de busca e rescate, extinción de incendios, protección ambiental e do territorio e control de usos do solo, entre outras aplicacións.

A madeira alíase co formigón para aumentar a eficiencia na construción

Galicia é unha potencia en produción de madeira. Darlle valor engadido mediante a transformación é unha das materias que aínda ten pendentes a comunidade. Sobre todo agora que comezou a recuperarse o seu uso en construción, o que podería achegar maior rendemento económico ás plantacións certificadas na comunidade. Sobre todo as de piñeiro, unha madeira cuxo bo comportamento está máis que probado en edificación.

Novidosa arma do CHUS para destruír células canceríxenas

O servizo de Hematoloxía e Hemoterapia do CHUS está máis preto de contar cunha nova técnica que destrúe células canceríxenas e que só hai nun reducido grupo de hospitais españois, tras conseguir a acreditación europea e americana Jacie, que lle acaba de ser concedida polos estándares de calidade do Programa de Transplante de Proxenitores Hematopoiéticos (de medula ósea).

A aeronáutica galega busca refuxio nun futuro jet supersónico do Exército

A industria aeronáutica entra en espazo descoñecido. O impacto que a crise sanitaria tivo sobre as aeroliñas fixo saltar polo aire todas as previsións de pedidos de avións para este ano e polo menos os dous ou tres que seguen.

Iberdrola e Greenalia estudan a costa galega para futuros parques mariños

Promotores, reguladores e asociacións sectoriais prevén que dentro de dez anos se xeren nas costas españolas a través de parques mariños entre 2.000 e 3.000 megawatts eólicos. Cumprir eses obxectivos require duns trámites regulatorios que o Goberno xa puxo en marcha, a realización das primeiras poxas de enerxía (que se prevén para o próximo ano) e empresas dispostas a investir nestes recintos. A eléctrica de orixe vasca Iberdrola e a enerxética galega Greenalia -que xa conta con proxectos do sector en Canarias- son dús das compañías que pasaron á acción nas costas galegas.

Galiciencia celebrarase en decembro e será online, o que permite ampliala a todo o ámbito nacional

O Parque Tecnolóxico de Galicia promove desde o ano 2006 Galiciencia, a maior feira científica que se celebra na nosa comunidade e que busca achegar a ciencia á sociedade, en particular aos máis novos. Conta co apoio da Consellería de Economía, Empresa e Innovación, a través da Axencia Galega de Innovación (Gain).

Tecnópole e a Xunta de Galicia forman na aceleradora Connect-19 a pemes que poidan contribuír a mitigar as consecuencias da crise sanitaria

Tecnópole e a Xunta de Galicia puxeron en marcha o programa Connect-19 para impulsar e fortalecer o acceso ao mercado de pemes galegas que poidan contribuír a reducir o impacto social e económico provocado pola COVID-19. No marco deste programa desenvolvéronse unha serie de actividades formativas online. Esta oferta formativa estivo aberta a calquera persoa interesada, non soamente ás vinte empresas que participan no programa de aceleración.

Tecnoloxía galega para cumprir o soño de almacenar enerxía

A compañía galega Norvento só entende o idioma renovable. Ademais de ser un dos principais operadores de parques eólicos en Galicia, a empresa con sede en Lugo fabrica e investiga. Agora está mergullada de cheo no desenvolvemento de solucións tecnolóxicas para que as industrias poidan non só producir a súa propia enerxía eléctrica, senón tamén almacenala. Todo un soño que xa é unha realidade grazas ás baterías.

O coche autónomo e o eléctrico tamén se investigan en Galicia

No Centro Tecnolóxico de Automoción de Galicia -CTAG- téñeno claro. A tecnoloxía avanza rápido e as empresas demandan ferramentas de última xeración, polo que o investimento en medios e instalacións e o esforzo por ter equipos de profesionais altamente cualificados é imprescindible para estar á vangarda.

A aceleradora do sector alimentario BFFood impulsa 16 iniciativas emprendedoras

A Business Factory Food (BFFood), a aceleradora especializada no sector alimentario, impulsada pola Xunta de Galicia e dinamizada polo Clúster Alimentario de Galicia (Clusaga), permitiu apoiar 16 iniciativas emprendedoras, das que seis forman parte da primeira edición da fase de consolidación. A esta convocatoria de consolidación presentáronse 27 candidaturas, das que catro pasaran anteriormente pola fase de aceleración en 2019.

O Estado noruegués e grandes enerxéticas impulsan megaparques eólicos en Galicia

A historia de Statkraft, o mastodonte enerxético público de Noruega, parécese moitísimo ás raíces do sector en Galicia. Como aquí, nos encoros naceu todo o que veu despois. O goberno do país comprou o 30 de maio de 1895 os dereitos da fervenza de Paulenfoss, na rexión sur de Sørlandet, por 23.245 coroas. Hoxe, o seu Ministerio de Comercio, Industria e Pesca manexa unha potencia de 19.700 megawatts (MW) repartidos en 350 centrais de produción libres de emisións contaminantes, supera os 5.000 millóns de euros de facturación e conta con 4.000 empregados en 17 países.

Páxinas