Investigadores de atlanTTic crean unha “app” que facilita a comunicación de persoas autistas na súa contorna laboral

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Investigadores do Grupo de Tecnoloxías da Información (GTI) do centro atlanTTic da UVigo desenvolveron unha aplicación gratuíta para dispositivos Android que facilita a comunicación de persoas con autismo na súa contorna laboral e que xa está dispoñible a través de Google Play. A solución foi seleccionada entre as ideas gañadoras da segunda convocatoria de axudas para investigación en tecnoloxías accesibles da Fundación Universia e Indra, que achegaron 24.000 euros.

A aplicación talkAACtive permite que calquera persoa con dificultades de comunicación, xa sexan trastornos do espectro autista ou doenzas como a afasia, practiquen e autoevalúen a súa fala ou escritura mediante pictogramas. Ademais, tamén pode funcionar como un comunicador pictográfico para facilitar a aprendizaxe. O obxectivo último é que os usuarios logren abandonar a comunicación por pictogramas e sexan capaces de adaptar a súa expresión para integrarse sen axuda no seu traballo ou a súa vida cotiá.

Os investigadores contaron coa colaboración dun deseñador gráfico para facer a aplicación máis atractiva e accesible. E tamén foron asesorados durante todo o proceso por expertos da asociación Transtornos do Espectro Autista de Vigo (Teavi), que lles axudaron a definir a aplicación adaptada á contorna de traballo dun administrativo. Ademais varios usuarios do colectivo probárona.

A “app” é “altamente configurable e personalizable” para adaptarse a calquera problemática. E permite, por exemplo, engadir pictogramas ou seleccionar inglés ou castelán.

Fonte: Faro de Vigo