Intellectia Bank presenta o seu novo sistema de monitorización continua

A empresa de Tecnópole Intellectia Bank presentou recentemente, no marco dunha xornada informativa, o seu novo sistema de monitorización continua aplicable a diferentes sectores.

En primeiro lugar, a empresa explicou as prestacións da solución Vigie Energy Audit, desenvolvida para a monitorización continua dos consumos enerxéticos de todo o proceso produtivo que aplicada á industria, permite entre outras funcionalidades, efectuar a xestión enerxética, produtiva e económica de todo o parque de máquinas.

Para a industria alimentaria, presentouse o produto Vigie Food Safety, unha solución de monitorización continua para a cadea alimentaria. Permite a monitorización de cámaras frigoríficas, almacéns refrixerados, áreas de produción, vehículos de transporte, liñas de self-service e cámaras de maduración de froitas, integrando todos os datos nunha aplicación de software.

Vigie Health Care foi presentado como o primeiro sistema de monitorización continua e online dispoñible en España para o ámbito hospitalario, co cal o usuario pode concentrar todas as necesidades de monitorización nunha soa aplicación de software, dende almacenamento e transporte de fármacos, mostras e sangue, contaminación anestésica, contaminación de esterilización, climatización, xestión de instalacións, consumo enerxético, etc.

Por último, expuxéronse as funcionalidades de Vigie Farma Lab, un sistema de monitorización continua e en tempo real dispoñible en España para o ámbito farma-lab, co cal o usuario pode concentrar todas as necesidades de monitorización nunha soa aplicación de software, dende temperatura e humidade relativa en neveiras ata conxeladores e criopreservadores, presión diferencial e contaminación en cabinas de fluxo laminar, climatización, temperatura en estufas, concentración de CO2 en incubadoras, etc.

(Fonte: Intellectia Bank)