Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

O picosatélite galego 'Xatcobeo' comeza a emitir dende o espazo

O picosatélite galego 'Xatcobeo' comezou o pasado luns a emitir información dende o espazo, apenas unhas horas despois da súa posta en órbita tras despegar dende a Guayana Francesa a bordo do satélite 'Vega', da Axencia Espacial Europea.

Presentada a primeira empresa galega que monta e distribúe coches 100% eléctricos

A primeira empresa galega que monta e comercializa vehículos 100% eléctricos, Little, presentouse de forma oficial este luns en Mos (Pontevedra) e os seus responsables avanzaron que, coas previsións "máis pesimistas", esperan chegar aos 70 empregados en 2015 -agora traballan 5 persoas- e aos 15 millóns de euros de facturación.

O Goberno anuncia beneficios fiscais a emprendedores innovadores

O Goberno "dará un mellor trato fiscal e cotas distintas da Seguridade Social" aos emprendedores innovadores mediante a creación dun Estatuto Novo Empresa Innovadora, á vez que aumentará a "compra pública" de tecnoloxía innovadora, potenciará a presenza do capital risco ou buscará fórmulas para promover tarefas de mecenado.

Un proxecto de I+D pretende crear envases biodegradables con residuos de pan

O Centro Tecnolóxico de Cereais de Palencia participa nun proxecto europeo de I+D+i que, baixo o nome de BREAD4PLA, pretende desenvolver envases de plástico biodegradables elaborados a partir de residuos da industria da panadería e a bolería.

Chegan os 'robots morcego': o futuro en micro-vehículos aéreos

Investigadores da Universidade Politécnica de Madrid (UPM) desenvolveron BaTboT, o primeiro prototipo de robot aéreo inspirado na forma e o voo dos morcegos. A pequena nave, que cambia a morfoloxía das súas ás en pleno voo, podería ser a base para o desenvolvemento dunha nova xeración de micro vehículos aéreos capaces de voar en ámbitos interiores cunha alta manobrabilidade a baixas velocidades.

Os españois, os máis tecnolóxicos

Ninguén pon en dúbida a revolución que supuxo internet en todos os ámbitos. A sociedade española adquiriu novos hábitos de comunicación, información e consumo que cada vez están máis arraigados coa aparición de novos formatos como os smartphones e as tablets.

A súa próxima receita médica, unha aplicación para o móbil

Cando tiña dous anos e medio, Darío era un silencio absoluto, hiperactivo e cun considerable déficit de atención. Era un caso de autismo claro, que os seus pais manexaban como podían. Aprenderon a linguaxe de Pecs, baseado en fotografías e pictogramas, para tratar de entender as necesidades do pequeno.

APTE e Tecparques asinan un acordo de colaboración para fomentar as relacións entre os parques españois e portugueses e as súas empresas

A Asociación de Parques Científicos e Tecnolóxicos de España (APTE) e a Associação Portuguesa de Parques de Ciência e Tecnologia (Tecparques) asinaron un convenio de colaboración que permitirá desenvolver un programa de actividades conxuntas entre as dúas asociacións destinadas á promoción dos parques e as empresas adheridas a eles que se sitúan tanto en Portugal coma en España.

Unha nova plataforma web permite intercambiar propostas entre empresas TIC e demandantes de solucións tecnolóxicas

As empresas provedoras e os demandantes de solucións TIC poderán poñerse en contacto e intercambiar propostas a través dunha nova plataforma xestionada pola Xunta e aberta a inscricións dende o pasado 20 de xaneiro.

O investimento de fondos de capital risco en empresas galegas derrúbase un 90% nun ano

O investimento en Galicia dos fondos de capital risco como colchón financeiro para os proxectos empresariais derrubouse, alcanzando en 2011 o nivel máis baixo dos últimos cinco anos. Se ben o número de operacións polas que apostaron estas entidades non diminuíu con tanta intensidade, cunha media de 20 proxectos empresariais financiados cada semestre, si se percibe unha forte caída no volume de diñeiro que os fondos de capital risco confían aos empresarios, é dicir, trátase de operacións de menor valor. A caída entre o primeiro semestre de 2010 e o mesmo período de 2011 alcanzou o 90%, pasando de 171,2 millóns de euros a tan só 12,3.

AIMEN reunirá os mellores expertos en soldadura por fricción, a máis punteira tecnoloxía de unión, para presentar os seus últimos avances ás empresas

O centro tecnolóxico galego AIMEN organiza na súa sede do Porriño a 'I Xornada Ibérica de aplicación industrial da técnica Friction Stir Welding', que abordará os últimos avances da tecnoloxía de soldadura por fricción para a súa utilización nos procesos industriais. O evento celebrarase o próximo mércores 1 de febreiro a partir das 9:00 horas. Trátase da primeira xornada celebrada para toda España e Portugal sobre aplicacións industriais do método FSW.

O Carballiño será este ano a sede da innovación turística

A localidade ourensá do Carballiño acollerá a máis de 500 profesionais no XVII Congreso Internacional da Asociación Española de Expertos Científicos en Turismo (AECIT), previsto para o próximo mes de novembro. O eixe central do encontro será reflexionar sobre a creación e o desenvolvemento de novos produtos turísticos, a innovación e o enfoque experiencial.

Páxinas