Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Serradoiros galegos ensaian no CIS-Madeira técnicas de secado e tratamento de madeira

A Federación Empresarial de Serradoiros e Rematantes de Maderas de Galicia (Fearmaga) celebrou en Ourense un curso sobre o secado da madeira e o seu tratamento térmico fitosanitario. O Centro de Innovación e Servizos Tecnolóxicos da Madeira de Galicia (CIS-Madeira), situado en Tecnópole, acolleu esta experiencia na que participaron once profesionais do sector que ensaiaron técnicas destinadas a asegurar a calidade da madeira serrada e optimizar os procesos produtivos, cun enfoque eminentemente práctico.

Galicia lidera o ensaio de nichos de negocio do 5G en saúde, naval e automoción

Quen lle ía dicir ao lugar onde supostamente remataba o mundo que sobre el se poñen agora os piares dunha pioneira ponte cara á modernidade tecnolóxica. Precisamente por esas caprichosas condicións xeográficas, hai poucas localizacións mellores que Galicia para medir o potencial das redes 5G en todos os ámbitos posibles, incluídas áreas dispersas.

C-VoUCHER abre unha nova convocatoria para adoptar a economía circular, ofrecendo financiamento a pemes

C-VoUCHER é a primeira iniciativa paneuropea que axuda ás empresas a remodelar e redeseñar as súas cadeas de valor, pasando de modelos lineais a circulares. Esta primeira convocatoria para innovadores ofrece 15.000 euros a pemes que desenvolvan plans de viabilidade para adoptar solucións de economía circular.

As dezaoito pemes seleccionadas participarán nun programa de tres meses de duración, contando co apoio dun experto en design thinking e sesións de asesoramento con expertos en financiamento.

A Fundación Cotec abre o prazo de candidaturas para o seu programa de innovación aberta

A Fundación Cotec abriu ata o 13 de outubro o prazo de presentación de candidaturas para #PIA2019, a terceira convocatoria do seu Programa de Innovación aberta. O obxectivo de Cotec con este programa é seleccionar propostas de innovación cos que colaborar, a través dun contrato, para desenvolver proxectos de forma conxunta. A axuda de Cotec pode ser financeira (ata 40.000 euros) ou doutro tipo (asesoría, comunicación e relacións públicas, etc.).

Zendal premia os mellores proxectos no campo da saúde e a biotecnoloxía

O Grupo Zendal abriu a primeira convocatoria dos International Zendal Awards co obxecto de recoñecer o traballo daquelas institucións, públicas ou privadas, que desenvolvan o seu labor tanto no campo da saúde animal como humana e que demostraran mérito e compromiso no ámbito das vacinas, a prevención e a biotecnoloxía.

Rithmi, a pulseira intelixente que axudará a previr o ictus

Rithmi desenvolveu un dispositivo médico para a detección e diagnóstico de fibrilación auricular que, a través dunha pulseira intelixente e de algoritmos baseados en intelixencia artificial, é capaz de detectar este tipo de arritmia monitorizando o ritmo cardíaco e o sinal de electrocardiograma do usuario.

Huawei fía a súa supervivencia á innovación

O futuro de Huawei quedou oficialmente ligado á guerra comercial dende que Donald Trump e Xi Jinping estreitaron a man no cumio do G20 celebrado en xuño en Osaka, Xapón. Tras o último intercambio de sancións desta fin de semana, as dúas superpotencias parecen lonxe de entenderse e un acordo antes de que dea comezo a campaña electoral estadounidense parece improbable. Isto equivalería a pospoñer de facto unha hipotética solución ata, como pronto, 2021. Huawei non ten tanto tempo: moitas voces na empresa cren que o veto xa non terá volta atrás.

A nova xeración de robots terá mans máis humanas

Hai 32 anos, cando os ordenadores solo estaban ao alcance duns poucos, un grupo de novos afanábase, nun ático londiniense, en construír un robot que puidese camiñar. O seu esforzo fíxose anacos cando a compañía Honda anunciou a creación do robot Asimo, o primeiro androide do mundo que andaba.

Lonxe de afundirse, os mozos decidiron reorientar o seu traballo cara a unha parte do corpo menos desexada polos enxeñeiros, pero moi complexa: as mans. Propuxéronse crear mans robóticas que imitasen á perfección as humanas.

Tecnópole acolle o 23 de setembro unha xornada sobre oportunidades de negocio Galicia-México

Parque Tecnolóxico de Galicia acollerá o próximo 23 de setembro unha xornada titulada “Galicia-México/México-Galicia. Visións compartidas”, na que se explorarán as oportunidades comerciais, de negocio e de investimento entre ambos os territorios.

Antes da mesa redonda, presidida polo conselleiro de Economía, Emprego e Industria, Francisco Conde, terá lugar a presentación realizada por Raúl Beyruti, presidente do grupo Gin Group. Esta compañía, líder en Latinoamérica en administración integral de capital humano, acaba de abrir unha filial en España.

Aberta ata o 30 de setembro a matrícula para Aulas Tecnópole e STEAM Kids Tecnópole

Parque Tecnolóxico de Galicia acaba de abrir a través da súa web o prazo de inscrición en Aulas Tecnópole e STEAM Kids Tecnópole, os seus cursos de formación en habilidades científicas e innovadoras para mozos de entre 8 e 18 anos. As prazas son limitadas e a matrícula, aberta ata o 30 de setembro, farase efectiva por orde de formalización.

Licitado un servizo de drons con desfibrilador para os que sufran unha parada cardíaca no Camiño de Santiago

O conselleiro de Economía, Emprego e Industria, Francisco Conde, anunciou a contratación do desenvolvemento dun servizo integral de cardioprotección no Camiño.

Trátase dun sistema que busca mellorar os tempos de resposta en caso de que algún peregrino sufra unha parada cardiorrespiratoria, a través da utilización de drons que, equipados cun electrocardiógrafo e un desfibrilador, poderán acceder de xeito máis rápido e sinxelo ao lugar no que se atope a vítima.

Proxecto innovador para potabilizar a auga de uso doméstico

O proxecto galego Trihsens, enmarcado no programa Conectapeme 2018, é exemplo de innovación, como tamén de cooperación entre pequenas e grandes empresas como afirman os socios que conforman o consorcio: Roca Roibás, Syspro, Ayco, Viaqua, Aimen e Cetaqua.

O obxectivo do proxecto é mellorar os sistemas de potabilización actuais cara a unha xestión cada vez máis eficiente, que permita o desenvolvemento dunha solución integral para a monitorización en tempo real da auga de consumo humano. Esta meta supón unha aposta pola protección e a preservación deste recurso natural.

Páxinas