Huawei convoca a primeira edición dos premios #STARmeAPP

Buscar

Susbcrición Newsletter

Introducir e-mail

Arquivo mensual

Vindeiros eventos

Huawei convocou a primeira edición de STARmeAPP, uns premios que recoñecen o desenvolvemento de ideas de startups españolas para apps. Para iso conta coa colaboración do diario El País e Retina, como mediapartner da sección de transformación dixital de El País. O obxectivo final é que os mellores proxectos poidan levarse a cabo nun futuro próximo. Podes apuntarte ao premio picando aquí.

STARTmeAPP diríxese de xeito exclusivo ao desenvolvemento de ideas focalizadas en actividades de interese público baseadas no uso e funcionalidade da intelixencia artificial, mesturando innovación e as novas tecnoloxías, que permitan cubrir o maior espectro posible nas necesidades da sociedade e as posibles ideas de emprendedores.

Na primeira fase teñen cabida todo tipo de proxectos: fotografía, social, fintech, arte, deseño... independentemente do seu campo. Iso si, todas deben estar relacionadas co ámbito de interese do público obxectivo de Huawei Mate 10 e terán como atributo destacable o uso e funcionalidade da Intelixencia Artificial. É precisamente o Huawei Mate 10 o novo terminal da compañía que se dirixe a usuarios creativos, emprendedores e inconformistas.

Requisitos

O premio está aberto ata o 31 de decembro e podes apuntarte a el a través da súa web e poderán presentarse iniciativas de startups que serán filtradas por un xurado con base en criterios de innovación, achega valor diferencial, visión global, e oportunidade de mercado.

Unha vez aprobadas as candidaturas das startups, estas subirán a un microsite que estará sometido a votación aberta e que plasmará de xeito interactivo todas as propostas que pasaron os requisitos de participación. De todos os proxectos inscritos, as mellores aplicacións serán contactadas para pasar á seguinte fase.

As 10 aplicacións máis votadas da microsite pasarán á seguinte fase, e nesta segunda fase o xurado seleccionará tres candidatas finalistas. As tres startups terán que realizar un vídeo elevator pitch no que presentarán e desenvolverán a súa idea. Durante a mañá do evento o xurado terá capacidade para requirir máis información ás empresas finalistas e as súas decisións serán definitivas e inapelables.

O máximo gañador do premio á mellor app móbil Android obterá 3000 euros, un Huawei Mate 10, e a inscrición gratuíta ao Programa de Desenvolvedores de Huawei Developers Alliance.

(Fonte: El Referente)