Grifols ofrécese para entrar no capital de empresas de biotecnoloxía

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
O xigante catalán de produtos de hemoderivados móstrase disposto adquirir compañías españolas de biotecnoloxía que necesiten recursos para continuar coas súas investigacións.

Ante un auditorio cheo de empresarios e emprendedores do campo da biotecnoloxía, Concha Serrano, vicepresidente de asuntos públicos de Grifols, lanzou unha proposta difícil de rexeitar. A compañía catalá está aberta a escoitar sobre proxectos que lle poidan interesar. "Nós seguimos apostando pola biotecnoloxía", asegurou.

De feito, recordou que é un camiño que abriron nos últimos meses e que non pecharon. Grifols, un dos tres líderes mundiais de produtos de hemoderivados, entrou no capital de catro pequenas empresas españolas de biotecnoloxía, un negocio non directamente relacionado co seu núcleo de produtos, pero que lle permite diversificar e asumir novas solucións no ámbito da saúde. En marzo de 2012, adquiría o 51% da empresa aragonesa Araclon Biotech, que se dedica á investigación e desenvolvemento de terapias e métodos de diagnóstico de enfermidades dexenerativas, centrada especificamente en alzhéimer. En xullo, facíao co 40% de VCN Bioscience, dedicada a investigar fármacos oncolóxicos. En 2011 xa comprara Nanotherapix, no campo da rexeneración celular.

En marzo deste ano compraba o 60% do capital da vasca Progenika, por un total de 37 millóns de euros, especializada en test xenéticos.

"A Nosa estratexia de innovación pasa por estar coas compañías de biotecnoloxía", anunciaba a pasada semana no acto de presentación do informe anual da patronal de Asebio. "Apoiamos as solucións para enfermidades que aínda non ten tratamentos", asegurou, e a empresas "con dificultades para chegar ao financiamento". De feito apuntou a que hai sensibilidade nos grandes grupos farmacéuticos "en dar continuidade a moitos proxectos, aínda que non teña que ver co seu núcleo de negocio".

Este anuncio chegaba precisamente cando o Informe Asebio 2012 recolle que, por primeira vez, o investimento en I+D do sector caeu un 5,3%. "Cun fluxo de capital privado aínda insuficiente, necesitamos máis que nunca o apoio da Administración pública, porque nunca estivemos tan próximos ao éxito, pero tampouco nunca vimos tan de preto a posibilidade do colapso de moitos proxectos técnica e economicamente competitivos", sinalou Regina Revilla, presidenta de Asebio.

(Fonte: Cinco Días)