O futuro xa está aquí: do coche conectado á casa intelixente

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Nada máis espertar, o reloxo intelixente móstralle un informe sobre como durmiu esa noite. Mentres se dirixe á ducha, acende co móbil a cafeteira para ter listo o café do almorzo. Dende o traballo, atrasa a hora que ten programada para que se acenda a calefacción porque recorda que chegará máis tarde á casa. Antes, debe facer unhas xestións.

Co seu móbil xeolocaliza un coche compartido, que desbloquea e paga dende a aplicación. Para nunha tenda a comprar roupa, e o probador intelixente suxírelle estilismos. De camiño á casa, acende de xeito remoto o forno para que estea á temperatura que marca a receita da cea. Cando chega á casa, nin necesita abrir o móbil: abóndalle pulsar un botón para encargar na túa cibertenda cueiros para o bebé. Mentres o fai, fala ao altofalante intelixente para que active o servizo de música.

Esta secuencia non se encadra nun futuro de ciencia-ficción. Todas estas accións son xa posibles grazas ao despegue do que se coñece como Internet das Cousas (IoT polo seu acrónimo en inglés), un ámbito no que os obxectos -dende maquinaria industrial ata os electrodomésticos ou os coches- poden conectarse a Internet para recoller, enviar e recibir datos.

"IoT está a pasar gradualmente de ser un concepto futurista a converterse nunha realidade que pode influír tanto na nosa forma de vivir como de traballar", explicaba recentemente Aleksander Poniewierski, responsable de IoT de EY.

A redución dos custos de computación e a mellora da conectividade -o 5 G será fundamental ao reducir drasticamente a latencia, ou tempo de resposta- auguran un futuro hiperconectado. Gartner estimaba que o ano pasado había en todo o mundo preto de 8400 millóns de dispositivos conectados, cifra que prognostica que se disparará ata alcanzar os 20.415 millóns en 2020. Para entón, o gasto hardware conectado no ámbito empresarial e doméstico practicamente alcanzará os dous billóns de dólares.

Casa conectada

Un dos ámbitos nos que se espera un avance nos próximos anos é no concepto de casa intelixente. Despois de anos falando dela, a tecnoloxía parece estar xa madura e hai ofertas comerciais. Por exemplo, Vodafone aliouse con Samsung para comercializar un kit de monitorización do fogar, Safety Starter, que permite aos usuarios saber en tempo real o que acontece no seu fogar cando eles non están. O kit pódese adquirir cun desembolso inicial de 29,9 euros e o pagamento de 11 euros ao mes (durante 24 meses), máis outros 7 euros ao mes polo servizo V-Home.

A subscrición é gratuíta para os clientes de Vodafone One 1 Gpbs ou 300 Mb, e regálase durante un ano aos usuarios de Vodafone One 120. Para os que non son clientes de Vodafone, custa 299,90 euros máis os 7 euros mensuais do servizo V-Home.

O Internet das Cousas é tamén a chave que abre a porta do coche do futuro. De momento, a conectividade que se ofrece aos usuarios finais céntrase en sacar partido ás vantaxes que ofrece poder conectar o móbil co sistema do automóbil.

Non obstante, a industria traballa para que nun futuro os coches poidan comunicarse entre si e recibir e procesar sinais externos que enviarán, por exemplo, estradas e cidades intelixentes mediante redes ultrarrápidas 5 G. Estes avances axudarán a mellorar a seguridade na condución -que cada vez será máis autónoma- e reducir a conxestión do tráfico.

A revolución do coche conectado

A conectividade é xa unha realidade no automóbil. A conexión a Internet non só permite gozar de aplicacións de entretemento e sistemas de navegación con información do tráfico en tempo real, senón que tamén abre a porta a novos servizos. Por exemplo, destaca a chamada de emerxencia en caso de colisión, elemento obrigatorio para todos os coches de nova homologación, que permite xeolocalizar o vehículo accidentado. No caso dos servizos de coches compartidos, a conectividade é un elemento clave, posto que fai posible xestionar en tempo real a reserva, localización, apertura e peche do coche, así como o pagamento e mesmo o reporte de incidencias.

A porta da casa do futuro

O número de dispositivos conectados no fogar non deixa de crecer. Na actualidade, xa é posible controlar en remoto dende o 'smartphone' aspectos como a climatización, iluminación ou acceso á vivenda. Ademais, os usuarios xa poden interactuar cos electrodomésticos grazas ao Internet das Cousas. Por exemplo, dende o móbil pódese conectar a distancia a lavadora para atopar a coada lista cando se chega á casa, ou acender e prequentar o teu forno a distancia dende calquera sitio. O seguinte paso é controlar todos os elementos conectados a través da voz mediante altofalantes intelixentes. Google Home foi o primeiro destes dispositivos en chegar a España.

Controlados por 'wearables'

Os reloxos intelixentes permiten aos consumidores ter información relevante acerca da súa actividade deportiva ou os seus patróns de sono, por exemplo. No caso dos deportistas profesionais, a información obtida a través de diversos 'wearables' fai posible controlar con precisión o estado físico e a evolución durante os adestramentos e a competición. No ámbito da saúde, hai avances como as lentes de contacto intelixentes, que incorporan sensores que permiten monitorizar os niveis de glicosa. A sensorización chega ata as mascotas. Vodafone, por exemplo, comercializa un servizo que permite ter localizada a mascota en todo momento e monitorizar a súa actividade.

O impacto na industria 4.0

O Internet das Cousas fixo realidade o mantemento predictivo. A implantación de sensores nunha planta de produción permite solicitar datos moi valiosos para o negocio. Por exemplo, é posible monitorizar o funcionamento das máquinas e recibir alertas para anticipar un posible fallo antes de que este se produza, evitando así un impacto na cadea. Así, a tecnoloxía debuxa fábricas onde é posible a monitorización completa de parámetros críticos en tempo real. A análise e xestión destes datos permite un mantemento predictivo que posibilita programar as intervencións na cadea de calquera sector, evitando así as interrupcións imprevistas de produción.

As cidades, cada vez máis intelixentes

Santander é unha das cidades españolas que avanza cara ao concepto de urbe intelixente. Miles de sensores monitorizan en tempo real o funcionamento de servizos públicos como a iluminación, a auga, os residuos ou a mobilidade. As cidades intelixentes son a base dun modelo de desenvolvemento urbano máis sustentable no que, grazas ao uso do Internet das Cousas e a análise masiva dos datos recollidos polos sensores, as administracións locais poden ser moito máis eficientes na xestión. Aínda que ata a data moitas cidades quedaron en proxectos pilotos que funcionan como silos, debúxase un futuro no que toda a información e funcionalidades estarán interconectadas.

(Fonte: Expansión)