Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

A Dirección Xeral de Política da PEME pon en marcha un proxecto piloto para dar soporte a empresas en plan de negocio e financiamento

O Plan de Crecemento Empresarial da Dirección Xeral de Política da PEME puxo en marcha un programa no que colaboran a Empresa Nacional de Innovación, S.A. (ENISA) e a Fundación EOI co obxecto de formar e titorizar as pemes na elaboración do seu plan de empresa. Unha vez rematado, asesoraranos para que poidan presentalo a distintas entidades co fin de solicitar financiamento. Este proxecto piloto durará ata decembro do 2011.

Empresas agroalimentarias galegas e asturianas participan no proxecto Asgaia Innovación

Desenvolver liñas de traballo para cooperar e incrementar os sistemas de xestión das industrias vinculadas ao campo, ademais de ampliar a rede de mercado dos produtos locais, son obxectivos marcados por unha iniciativa posta en marcha pola Asociación de Desenvolvemento Rural (ADR), mediante a sinatura dun convenio de cooperación con empresas agroalimentarias de Galicia e Asturias que participarán no proxecto da Rede Asturgalega de Industrias Agroalimentarias, coñecido como Asgaia Innovación.

Santander e Telefónica, entre as 40 empresas da UE que máis invisten en I+D

Banco Santander e Telefónica atópanse entre as 40 empresas da UE que máis investiron en investigación e desenvolvemento (I+D) en 2010, segundo un informe publicado pola CE, que tamén pide ás compañías europeas "máis esforzos" destinados á innovación.

Tres empresas españolas desenvolven un pioneiro verniz resistente á calor

Chámase Codel e foi creado con nanopartículas. Resiste un 40% máis a calor que o resto de vernices, polo que se resolve un dos principais problemas de fabricación en mobles de cociña.

O xornal Cinco Días entrega os seus galardóns á innovación empresarial

O diario económico Cinco Días entregou os seus premios á innovación empresarial na súa edición 2011 a Danone, Matarromera e Ecopapel. "Nos tres anos transcorridos dende que se entregaron os primeiros premios, a economía sufriu un auténtico xiro. En 2008 recoñecíase ás empresas que innovaban para garantir o seu futuro, pero a innovación xa non é unha aposta, é esencial. Agora, o verdadeiramente arriscado é non innovar", destacou Cristina Garmendia, ministra de Ciencia e Innovación.

FECYT organiza a segunda edición do curso para Xestores en Valorización Tecnolóxica

Despois do éxito da primeira edición, a Fundación Española de Ciencia e Tecnoloxía (FECYT) abre a convocatoria para a segunda edición do curso de formación en Xestores en Valorización Tecnolóxica, que comezará a impartirse a partir de febreiro de 2012.

O Goberno prorroga a vixencia do VI Plan Nacional de I+D+i (2008-2011)

O Consello de Ministros aprobou un acordo polo que se prorroga o VI Plan Nacional Investigación Científica, Desenvolvemento e Innovación Tecnolóxica, durante o período 2008-2011, mentres non se aprobe o futuro Plan Estatal de Investigación Científica e Técnica. O actual plan seguirá en vigor, como mínimo, ata 2012.

O MIT converte a Málaga en referente tecnolóxico mundial

Málaga converterase esta semana nunha referencia mundial da tecnoloxía, grazas ao Instituto Tecnolóxico de Massachusetts (MIT). Este centro, que acumula unha gran cantidade de premios Nobel, celebrará o 26 e 27 de outubro na cidade andaluza o seu prestixioso congreso EmTech sobre tecnoloxías emerxentes, por primeira vez en Europa.

Os maiores investidores empresariais europeos en I+D van aumentar os seus esforzos de innovación nun 5% cada ano

As maiores empresas de investimento en I+D con sede na UE prevén que os seus investimentos globais en investigación e desenvolvemento aumenten anualmente nun 5% entre 2011 e 2013, o que equivale a máis do dobre das previsións do ano pasado e representa unha suba importante fronte ao 2,6% de diminución dos investimentos en I+D rexistrada por esas empresas en 2009.

As empresas investirán 1,9 billóns en tecnoloxías da información en 2012

As empresas de todo o mundo investirán en 2012 un total de 2,7 billóns de dólares (1,9 billóns de euros) en tecnoloxías da información, un 3,8% máis do que destinarán a eles este ano, segundo as estimacións de Gartner. Malia o avultado da cifra, a consultora fala de certa minorización porque o incremento que esperan para este ano é do 5,9%.

Unha empresa e tres centros de investigación desenvolven conxuntamente un mando para conducir o automóbil cunha soa man

A empresa española Ficosa Internacional, o Instituto de Biomecánica de Valencia (IBV), o Centro de Estudos e Investigacións Técnica de Guipúscoa (CEIT), e a Escola de Enxeñeiros da Universidade de Navarra (Tecnum) desenvolveron de forma conxunta un prototipo de mando que permite conducir vehículos cunha soa man. Os seus responsables tratan de substituír o volante de sempre por un dispositivo manexable que pode ser empregado por persoas con problemas de mobilidade.

Vinagre galego e un software contra a espionaxe industrial, ideas innovadoras premiadas pola USC

A elaboración dun vinagre balsámico galego (mencía) e un software de rastrexo documental (SRD) para combater a espionaxe industrial son dúas das cinco propostas premiadas na XII Edición do Concurso de Ideas Empresariais Innovadoras da Universidade de Santiago de Compostela (USC), ao que por vez primeira dende o nacemento do certame se presentaron máis mulleres que homes.

Páxinas