A enerxía xeotérmica aínda sortea numerosos obstáculos para o seu despegue

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
Os asistentes ao III Congreso de Enerxía Xeotérmica na Edificación e na Industria avogaron por unha regulamentación común para o territorio nacional e, deste modo, poder fomentala.

Durante o encontro, tamén se discutiron os problemas técnicos relacionados co deseño das instalacións xeotérmicas nas distintas localizacións españolas, xa que presentan características climáticas e xeolóxicas diferentes.

O presidente da sección xeotérmica da Asociación de Produtores de Enerxías Renovables, Íñigo Ruiz Ayesta, asegurou que o uso da enerxía xeotérmica é "moi residual" polo seu descoñecemento. Non obstante, sinalou que aumentou o número de cidadáns que ao construír a súa vivenda se cuestionan o tipo de enerxía a utilizar, a diferenza de anos atrás, cando daban por feito a elección de gas ou gasóleo.

Para Ruiz Ayesta, os consumidores que investigan sobre as renovables acaban optando pola enerxía xeotérmica porque non emite CO2, reduce a factura enerxética da vivenda a medio prazo e o investimento inicial amortízase en cinco ou oito anos.

Outra vantaxe desta fonte de enerxía reside en que está dispoñible as 24 horas do día; a diferenza doutras renovables non dependen de factores meteorolóxicos, e ofrece calor, frío e auga sanitaria cunha única instalación, capaz de cubrir toda a demanda dunha vivenda.

Os enxeñeiros, xeólogos e profesionais da construción reunidos estes días, comprometéronse tamén a traballar da man para respectar o medio ambiente neste campo.

A enerxía xeotérmica é limpa, non obstante hai que coidar que os materiais utilizados non sexan prexudiciais para o ámbito e tampouco impacte na saúde.

(Fonte: EFE)