Egatel participará na décima edición de Broadcast Asia

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
Egatel estará presente unha vez máis na próxima edición da feira BroadcastAsia, que terá lugar do 19 ao 22 de xuño en Suntec (Singapur), co obxectivo de reforzar a súa presenza no Mercado asiático.

A empresa presentará no seu stand 4 M 4-08 novas configuracións da gama de transmisores UHF de alta potencia con refrixeración líquida (serie TLE6800), así como sistemas en media potencia refrixerados por aire capaces de entregar ata 2,4 kW en DVB/ISDB.

Dentro da serie de transmisores con refrixeración por líquido TLE6800, caracterizada polo seu deseño completamente modular, preséntase a opción de integrar o sistema de bombas no mesmo rack que o transmisor, conseguindo así unha redución de custos e espazo en planta moi interesante. A tecnoloxía de transistores LDMOS-50 voltio de última xeración utilizada nos amplificadores proporciona un rendemento moi elevado, minimizando significativamente o consumo enerxético e, polo tanto, os custos de operación.

En refrixeración por aire, ofrécense transmisores baseados no amplificador de 300 Wrms (DVB/ISDB) co que se poden levar a cabo integracións dun máximo de 8 amplificadores, alcanzando potencias de ata 2,4 kW en DVB/ISDB, cun rendemento enerxético moi destacado. Con estes amplificadores preséntanse inmellorables valores en parámetros fundamentais da calidade do sinal transmitido tales como atenuación das ombreiras e MER. A precorrección dixital adaptativa, xa dispoñible na maioría dos equipos de Egatel, permite realizar un cambio de canle de forma totalmente automática. O sistema baséase nunha análise da función de transferencia baseándose na comparación directa entre a entrada e unha mostra da saída.

Con independencia da potencia ou sistema de refrixeración utilizado, Egatel ofrece os seus moduladores en deseños de 1 U 19" para os estándares DVB-T/-H/T2, ISDB-T/TB e ATSC, cumprindo cos máis altos parámetros técnicos de calidade. Así mesmo, utiliza amigables solucións para a operación e o mantemento, como son o uso de programas de control baseados en servidores web embebidos, memorias extraíbles con inserción frontal para a carga e descarga de configuracións e solucións de supervisión remota sobre SNMP.

Finalmente é de destacar a oferta de Egatel, xa moi consolidada, de solucións tipo "gapfiller" en baixas potencias, permitindo traballar igualmente en calquera estándar e coas máis altas prestacións en canceladores de ecos dinámicos.

Egatel

Egatel é unha empresa especializada na investigación, desenvolvemento e fabricación de produtos e sistemas de radiofrecuencia destinados a transportar ou difundir sinais de televisión -tanto en formato analóxico como dixital- e sinais de radio dixital para cubrir as necesidades do mercado broadcast profesional global.

Está integrada na área de Enxeñería e Sistemas de COMSA EMTE, grupo especializado no sector das infraestruturas e a tecnoloxía. COMSA EMTE suma unha facturación de máis de 2000 millóns de euros, conta cun equipo de 12.000 persoas e presenza estable en 18 países. O grupo está organizado en catro áreas de negocio: Infraestruturas, Enxeñería e Sistemas, Medio, Servizos e Loxística, e Concesións e Enerxías Renovables.

(Fonte: Egatel)