Os ecosistemas de innovación transfórmanse en torno á persoa

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

A segunda edición do innovationHUB de ideas4all Innovation (celebrada na sede de EY en Madrid) puxo de relevo que a innovación deixou de ser un circuíto pechado. As organizacións de hoxe ábrense ás ideas e suxestións dos seus diversos stakeholders e apostan por innovar a través dun ecosistema formado por recursos propios e externos.

Na apertura do evento, Federico Linares, conselleiro delegado de EY España referíase á liña seguida pola consultora na que o interese polos procesos en si mesmos se asemella ao que suscita a máis innovadora das tecnoloxías. 250.000 traballadores en todo o mundo organizados de modo xerárquico non impediu a posta en marcha dunha organización paralela -Proxecto Dédalo- que contribúe notablemente na toma de decisións e que funciona como unha rede neuronal.

"A empresas máis innovadoras teñen hoxe en común concibir os seus empregados, clientes ou provedores como fontes de innovación e para iso faise imprescindible a súa vontade por escoitar a cada parte e fomentar a interacción e a transferencia de coñecemento e ideas entre todas elas dentro do ecosistema", destacou ao respecto Pilar Roch, CEO de ideas4all Innovation.

Así, unha primeira mesa redonda con Eva Ivars, directora xeral de Alain Afflelou; Javier Paniagua, Xefe da Oficina Dixital de Calidade Pascual e Rubén Hernández, director do Proxecto BS idea en Banco Sabadell; permitiu coñecer algunhas das accións que conforman o ecosistema de innovación destas compañías e a súa relación con terceiros, mediante a cocreación con clientes, o intraemprendemento ou o talento interno, respectivamente.

"Necesitabamos saber máis dos nosos clientes así que lanzamos distintos retos para que nos propoñan cousas", dixo Ivars, quen explicaba como esa plataforma que involucra os consumidores evolucionou do B2C ao B2B e agora obteñen información e suxestións de expertos, ópticos (seguen un modelo de franquía) e provedores de Alain Affelou. Froito desta maior fidelización, varias ideas -"buscamos que teñan impacto no mercado e que sexan doadas de implementar"- fixéronse tanxibles como unhas lentes con cristais intercambiables de forma sinxela.

Javier Paniagua, fefe da Oficina Dixital de Calidade Pascual destacaba como iniciativa principal neste novo ámbito Pascual Startup, que pronto presentará a terceira edición, coa novidade de incorporar a recompilación de proxectos ao ámbito universitario, a sabendas de que esas ideas estarán nunha primeira fase de maduración. En paralelo, Pascual Startup Intraemprendemento arrancou a mediados de setembro invitando a todos os empregados do país a expoñer as súas ideas. Xa levan máis de 300 propostas e os gañadores terán a ocasión de presentala ao comité de dirección en Madrid e de liderala en caso de que a compañía opte por darlle unha oportunidade no mercado.

Veterano na escena da innovación aberta, BS idea, a comunidade de ideas de Banco Sabadell contou ata a data coa participación de 10.000 empregados. Para dar un paso adiante no plano colaborativo, hai uns meses lanzaron InnoCells, que aborda proxectos de emprendemento alleos á organización do banco.

Manter a implicación

Entre as dificultades ás que se enfrontan, os tres directivos coincidiron na importancia de manter viva a implicación dos equipos encargados da valoración-validación destas ideas. Como apuntaba Rubén Hernández, é complicado seleccionar expertos que sexan proactivos, que actúen como un primeiro filtro na selección de ideas antes de que estas accedan ao último chanzo e ao visto e prace da dirección do banco. Para Ivars, a vantaxe coa que contan na súa empresa é que deseñaron un comité de expertos moi reducido ao que se lle deixa traballar nesa liña sen interferencias. "O que non está axendado acaba desaparecendo",

Pola súa banda, Javier Paniagua engadía que é fundamental non lanzar este tipo de proxectos sen a implicación da alta dirección das empresas. Todos coincidiron en que as iniciativas que formulan requiren dun intenso labor de comunicación para que non decaian nin a percepción nin a participación por parte do público de interese.

(Fonte: Innovaspain)