Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

O campus de Ourense logra medio millón de euros para poñer en marcha un clúster agroalimentario

O proxecto de especialización do campus de Ourense da Universidade de Vigo segue dando pasos. O último deles coñecíase hai uns días, tras anunciarse que o recinto académico logrou case medio millón de euros para a posta en marcha do Clúster de Investigación e Transferencia Agroalimentario do Campus da Auga.

A axuda, que se conseguiu nunha convocatoria da Xunta de Galicia, permitirá dotar ao Campus da Auga "dun instrumento tractor que contribuirá activamente ao desenvolvemento da contorna socioeconómica".

Boeing entra en Galicia cun proxecto de tecnoloxía para avións autónomos

O construtor estadounidense Boeing está presente en España dende hai máis de 80 anos. Ten instalacións en Madrid, Palma de Mallorca, Illescas (Toledo), Sevilla e Cádiz, un panel de localizacións ás que se une agora Galicia. O xigante aeronáutico gañou a licitación lanzada pola Xunta hai case un ano para entrar no CIAR (Centro de Investigación Aeroportada de Rozas, en Castro de Rei, Lugo) cun proxecto de innovación tecnolóxica para avións non tripulados.

O formigón máis ecolóxico sae dos laboratorios da Universidade Politécnica de Valencia

Investigadores da Universitat Politècnica de València (UPV), pertencentes ao Instituto de Ciencia y Tecnología del Hormigón (ICITECH), obtiveron por primeira vez a nivel mundial un formigón celular (HCT) lixeiro e illante no que o 85% dos materiais son residuos. Para a súa fabricación empréganse papel de aluminio doméstico, cinzas de casca de arroz e residuos procedentes da fabricación de ferro en altos fornos ou da obtención de combustibles.

Almacenar enerxía na carrocería dun vehículo grazas a fibras de carbono especiais

Os avións de pasaxeiros necesitarían ser moito máis lixeiros do que son hoxe en día para poder ser enerxizados só con electricidade. Leif Asp, profesor na Universidade Chalmers de Tecnoloxía en Suecia, realiza investigacións sobre a capacidade das fibras de carbono para desempeñar máis funcións que a de simplemente actuar como material de reforzo. Por exemplo, almacenar enerxía. Argumenta ao respecto que a carrocería dun coche non ten por que estar limitada á función de soportar carga mecánica, senón que podería tamén actuar como unha batería.

Como facer rendible o big data

Moitas empresas que apostaron polo código aberto tiveron problemas para facer rendible o seu investimento. A intelixencia artificial abre agora novas oportunidades para as compañías que se queiran subir ao carro.

¿Recordan cando o big data ía salvar as grandes empresas? Antes de que as palabras intelixencia e artificial inundasen a tecnoloxía, o big data ocupábao todo. Recompilar e analizar tanta información das empresas como fose posible considerábase unha fórmula na que o éxito estaba asegurado.

Tecnópole acolle un foro sobre economía circular e crecemento verde en Galicia e Portugal

Tecnópole acolle o martes 7 de novembro un foro empresarial e de coñecemento sobre economía circular e crecemento verde en Galicia e Portugal. O evento permitirá coñecer a experiencia de varias pemes galegas e tamén de Adolfo Domínguez en calidade de grande empresa, ás que se sumarán centros tecnolóxicos e institucións con competencias neste ámbito a ambos os dous lados da fronteira, como o Instituto de Apoio às Pequenas e Médias Empresas portugués, a Axencia Galega de Innovación (GAIN) da Xunta e a Associação Empresarial de Portugal.

Tecnópole celebra o seu tradicional magosto o próximo 8 de novembro

Todos os traballadores das empresas e entidades do Parque Tecnolóxico de Galicia están invitados o próximo 7 de novembro ás 13.30 horas na parte traseira do Edificio CEI a celebrar unha nova edición do Magosto Tecnópole, con gaiteirada incluída.

O proxecto Makeroid, presentado en Galiciencia, segue o seu avance cara ao mercado

Diego Barreiro ten sorprendido ao claustro do IES Rosalía de Castro, onde estuda o último curso do bacharelato internacional. Os últimos anos, cando hai un problema informático recorren a el para que o solucione. Representou o instituto en Galiciencia, onde presentou Makeroid, unha plataforma de Internet que pretende que "calquera persoa que teña unha idea a poida converter nunha aplicación sen ter que aprender unha linguaxe de programación nin contratar alguén para que llo faga. Así, a nosa web facilita a vida de moitas persoas que non saben programar, explica.

A aceleradora do sector aeronáutico impulsada pola Xunta de Galicia lanza en novembro a súa primeira convocatoria

O conselleiro de Economía, Emprego e Industria da Xunta de Galicia, Francisco Conde, presentou a nova aceleradora do sector aeronáutico, un proxecto pioneiro en Galicia, que lanzará no mes de novembro a súa primeira convocatoria.

Conde explicou que a posta en marcha da primeira aceleradora do sector aeronáutico, xunto co desenvolvemento na provincia de Lugo do polo aeroespacial de Rozas, evidencia que se trata dun sector que conta cun gran potencial de crecemento.

Chega o barco 100% eléctrico "made in Galicia"

O enxeñeiro naval vigués José Manuel Ballester acaba de lanzar a Xouva 4,90, a primeira embarcación da empresa coa que espera revolucionar o turismo náutico: Xouva Boats. Trátase dun barco que non require titulación para ser navegado (debido ás súas dimensións), accesible a persoas con mobilidade reducida e unha autonomía de ata seis horas. "Ademais ten como valor engadido que non contamina e cuxo ruído é cero", asegura Ballester.

Os centros tecnolóxicos galegos, tractores da innovación

Converter o coñecemento nun valor do mercado para que as industrias galegas sexan máis competitivas no panorama internacional. Ese é o obxectivo dos centros tecnolóxicos galegos, cuxo valor destacou a Xunta durante a celebración do I Encontro sobre excelencia tecnolóxica internacional, organizado por Atiga. Como exemplo de centros tecnolóxicos exemplos de éxito figura o coche autónomo que desenvolve o CTAG, os avances en robótica colaborativa de Aimen, os drons nos que traballa o ITG ou a investigación de biogás de EnergyLab.

Dúas de cada tres empresas investiron en recursos dixitais nos últimos dous anos

Dúas de cada tres empresas afirman que investiu en recursos dixitais nos últimos dous anos. A porcentaxe sobe ata o 82% nas empresas de máis de 100 empregados. O sector que afirma facer maior esforzo de investimento é hostalería, cun 86% fronte ao 46% noutros como agricultura ou minería. Así se recolle no Estudo sobre o estado de dixitalización das empresas e Administracións Públicas españolas elaborado polo Observatorio Vodafone da Empresa.

Páxinas