Newsletter

Buscar

Susbcrición Newsletter

Introducir e-mail

Vindeiros eventos

Non hai eventos polo momento

Inventos: a innovación tecnolóxica ao servizo da eficiencia enerxética

Un colector xiratorio que aproveita ao máximo a radiación solar e que está protexido de ventos extremos, unha planta para "espremer" a enerxía das ondas ou unha carcasa elaborada con fibras naturais de plantas, en vez de con aluminio, son algúns dos 23 inventos tecnolóxicos que presenta este ano a Galería de Innovación de Genera. A Feira Internacional da Enerxía e o Medio Ambiente terá lugar en Ifema, Madrid.

Unha 'startup' española revoluciona a tecnoloxía 3G

A tecnoloxía desenvolvida pola española InToTally, que permite incrementar o rendemento das redes un 40%, captou o interese de grandes operadoras como Vodafone Ventures que xa comprou a súa tecnoloxía ToT-OLPC, co fin de mellorar as infraestruturas críticas da rede móbil global. Inicialmente o despregamento estase a realizar en España, aínda que se espera que se estenda a outros países.

Un 'panel solar' no interior do ollo para que os cegos vexan

Uns 'superlentes', un miniordenador e un microchip implantado baixo a retina. Con estes tres elementos, a Universidade de Standford (Estados Unidos) desenvolveu un sistema co que se poderá devolver a visión a persoas afectadas por dexeneración macular ou retinose.

'Smartcity' ou como será a xestión enerxética do futuro

Farois urbanos con pequenos muíños eólicos, placas fotovoltaicas en edificios particulares, coches eléctricos, sistemas de almacenamento enerxético en baterías... Algúns destes elementos comezaron timidamente a formar parte da realidade, outros seguen parecendo cousa do futuro, pero o certo é que 'Smartcity', o proxecto liderado por Endesa que leva tres anos investigando un novo modelo de xestión enerxética, pode lograr que eses e outros avances pasen a formar parte da nosa vida cotiá.

As empresas de aplicacións duplícanse en España

O mercado das aplicacións está en plena efervescencia. Tamén as empresas que as crean para os teléfonos móbiles e as tabletas. Con 500.000 dispoñibles na tenda Google Play, Android superou as 15.000 millóns de descargas e achégase a Apple (600.000 aplis en App Store e 25.000 millóns de descargas ata febreiro).

Unha tecnoloxía para aforrar ata o 25% da batería

Unha nova tecnoloxía permite aforrar ata un 25% da batería, mellorar a cobertura de banda ancha móbil en interiores en zonas urbanas, mellorando a descarga de vídeo, facilitar a reprodución de contidos Flash, e acelerar o acceso aos contidos.

Tecnópole organiza unha conferencia de coaching para o emprendemento e a innovación con motivo da presentación da súa nova sala de coworking

Parque Tecnolóxico de Galicia organiza o próximo 25 de maio unha conferencia de coaching para o emprendemento e a innovación tras a que presentará a súa nova sala de coworking, un espazo de traballo orientado a profesionais autónomos con todos os servizos adaptados ás necesidades específicas deste colectivo.

O espectáculo de ciencia 'Maxia química' clausura a xira de actividades iniciada en febreiro por Tecnópole

O espectáculo de ciencia 'Maxia química' clausura a xira de actividades iniciada en febreiro por Tecnópole para levar a máis de 8000 escolares de toda Galicia catro sesións diferentes de divulgación científica con temáticas variadas.

Redegal e Google organizan en Vigo unha xornada sobre Google Apps

A empresa de Tecnópole Redegal, reseller autorizado de Google Apps para a zona noroeste, organizou este martes en Vigo a presentación das ferramentas de comunicación e colaboración de Google coa presenza de Antonio Alonso, director comercial de Google Enterprise para España, Italia e Portugal.

Un proxecto de Aimen reduce entre 2 e 5 millóns de euros o custo de produción por buque

O centro tecnolóxico Aimen desenvolveu un proxecto de investigación que reduce o tempo de produción naval entre un 15% e un 20% co resultado dunha diminución de custo por buque de entre 2 e 5 millóns de euros, en función das súas dimensións e complexidade.

Próxima presentación da Asociación para a Promoción da Intelixencia Competitiva en Galicia

O próximo día 23 de maio ás 18:00 horas celebrarase en Santiago de Compostela a presentación pública da Asociación para a Promoción da Intelixencia Competitiva en Galicia (Aspicga).

Vindeira Capital Network pon 40 millóns de euros a disposición de 11 proxectos

Os próximos días xoves 10 e venres 11 de maio, a terceira edición de Vindeira Capital Network, que se celebrará en Santiago de Compostela, porá en contacto a 11 emprendedores do ámbito das TIC con distintas sociedades de capital risco, ante as que poderán presentar as súas ideas de negocio para captar o seu investimento.

Páxinas