Desenvolven novos materiais orgánicos para avanzar cara á electrónica do futuro

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
A electrónica do futuro cada vez está máis preto. Investigadores do Laboratorio de Fabricación e Caracterización de Transistores de Efecto de Campo da Universidade de Málaga (UMA), liderados por Rocío Ponce, están a desenvolver novos materiais orgánicos que permitan unha tecnoloxía económica, plástica e sustentable que substitúa a actual, baseada no silicio. En concreto,traballan na caracterización físico-química destes materiais e estudan o seu comportamento en compoñentes electrónicos.

"O Noso obxectivo é lograr dispositivos máis eficientes e flexibles, compatibles co medio ambiente", afirma Ponce, "e buscamos suplantar os materiais inorgánicos, ata agora os máis estendidos no mercado, que teñen menor procesabilidade e son máis custosos".

Neste contexto o equipo desenvolveu un "sistema moi eficiente e novidoso como semicondutor tipo n (transporta cargas negativas), que foi recoñecido pola revista Angewandte Chemie (unha das tres publicacións de maior impacto na área de Química), onde aparece como back cover ou artigo destacado na contraportada. Investigadores da South University of Science and Technology en China tamén participan no estudo.

"Creamos unha estrutura molecular ríxida composta por grupos ricos e grupos deficientes en electróns. Tras modular as propiedades electrónicas do sistema, logramos semicondutores tipo n que, debido á súa planaridade molecular presentan un transporte de carga moi eficiente", explica Ponce, quen tamén destaca que este novo material pode usarse como unidade estrutural para conseguir outros. As moléculas implicadas son hidrocarburos aromáticos 'tipo escaleira'', con ata 15 aneis e cinco grupos imida

Superar a rixidez dos inorgánicos

Este paso adiante tradúcese nunha electrónica biodegradable, baseada en sistemas plásticos e transparentes, ademais de ser capaz de adaptarse a calquera superficie. "Esta é a principal vantaxe, que supera a rixidez dos inorgánicos, podendo crear dispositivos que se poden dobrar ou poñer na man", aclara.

Aínda que xa hai dispositivos orgánicos no mercado -por exemplo, o sector militar de Estados Unidos traballa con eles e, ademais, utilízanse en pantallas comerciais-, o seguinte paso para a súa implantación é mellorar o seu ciclo de vida, que, tal e como asegura Ponce, actualmente é máis curto que o dos dispositivos fabricados con materiais inorgánicos.

"O que si é unha realidade é a impresión de circuítos a partir de impresoras modificadas que, en vez de tinta, utilizan unha disolución de materiais orgánicos", aclara a investigadora, que conta con varios recoñecementos na súa carreira, como o Premio Novos Investigadores 2015 da Real Sociedade Española de Química en 2015 e a bolsa 'L 'Oréal-UNESCO Por las Mujeres na Ciencia.

(Fonte: SINC)