O custo dos envases biodegradables para alimentos podería reducirse

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
O custo dos envases biodegradables para alimentos podería reducirse ata un 16% se se utilizan os deseños de envases apropiados. Este é un dos primeiros resultados obtidos polo centro tecnolóxico Ainia e o instituto tecnolóxico do plástico Aimplas, no marco do proxecto Sostpack que ten como obxectivo mellorar as propiedades dos materiais plásticos biodegradables para facilitar a súa incorporación ao mercado do envasado de alimentos.

No seu primeiro ano este proxecto, que conta co apoio do Instituto Valenciano de Competitividade Empresarial (Ivace) e os fondos europeos Feder, centrouse en identificar materiais biodegradables que poidan servir como alternativa aos plásticos tradicionais, posibilitando á súa vez que a vida útil do alimento que contén, así como as súas características nutricionais e sensoriais e as propiedades do envase, sexan similares.

Os primeiros traballos demostrativos realizáronse con envases tipo bandexa e bolsa en produtos como snacks, bebidas lácteas e carnes, aínda que ao longo do proxecto se abordarán outros.

Para isto, utilizáronse de forma conxunta diversas tecnoloxías coas que se realizaron envasados de produtos con materiais biodegradables para estudar as propiedades barreira e a resistencia térmica destes materiais, incluíndo posibles melloras estruturais para que poidan ser procesados en equipos industriais convencionais.

Así mesmo, un estudo de espesores en envases estándares tipo bandexa habituais en carnes, mostrou melloras de máis dun 15% no reparto de espesores nos puntos críticos do envase. O obxectivo é dar resposta á demanda social de envases máis sustentables coas mesmas garantías de seguridade

Ainia explicou que cada vez máis os consumidores e a industria demandan envases máis sustentables e seguros, debido a unha maior preocupación polo medio e pola necesidade de aforrar custos de produción e distribución dos produtos que se consumen. Non obstante, o 74% destes produtos son distribuídos en envases fabricados con derivados do petróleo.

Os materiais biodegradables son unha alternativa, pero aínda requiren superar cuestións técnicas e económicas para que a súa implantación no mercado sexa unha realidade.

A finalidade do proxecto Sostpack é mellorar e adaptar as características dos materiais biodegradables e compostables existentes, para facilitar a súa incorporación ao mercado do envasado de alimentos, e que poidan converterse nunha alternativa sustentable mantendo tanto a súa vida útil, como as súas características organolépticas e nutricionais.

(Fonte: Agencias)