Crean un detector rápido de coronavirus en superficies de procesado de alimentos

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Investigadores do CSIC desenvolven un detector rápido de coronavirus para superficies de procesado de alimentos, un dispositivo de probas automatizadas que se instalará directamente nos centros de procesado e proporcionará resultados en menos dunha hora sen necesidade de instrumentación complexa ou persoal especializado.

O proxecto COVID-19 BAEMitup recibirá un financiamento de 792.000 euros da convocatoria para proxectos de innovación de resposta rápida á COVID-19 posta en marcha polo Instituto Europeo de Innovación e Tecnoloxía.

Investigadores do Instituto de Agroquímica y Tecnología de Alimentos (IATA), centro de investigación do CSIC con sede en Paterna (Valencia), participan no proxecto europeo que desenvolve este dispositivo de detección rápida de coronavirus SARS-CoV-2, causante da COVID-19, en superficies de procesado de alimentos. Esta plataforma de probas automatizadas proporcionará resultados en menos dunha hora fronte aos sete días que ata agora requiren os laboratorios de análises de mostras.

Esta tecnoloxía servirá para validar os procedementos de limpeza na industria alimentaria e para detectar outros virus en superficie de contacto alimentario, ademais do coronavirus SARS-CoV-2. Segundo a investigadora do CSIC no IATA Gloria Sánchez, que lidera a participación española no proxecto, "este dispositivo, deseñado pola empresa SwissdeCode, consiste nun sistema rápido de detección molecular. O sistema ofrece a vantaxe de que pode utilizarse in situ e que os resultados se obteñen de maneira moi rápida".

Fonte: Faro de Vigo