Cen investigadores buscarán métodos para almacenar excedentes de enerxía

Buscar

Susbcrición Newsletter

Introducir e-mail

Arquivo mensual

Vindeiros eventos

Este traballo vaise levar a cabo no Centro de Investigación Cooperativa (CIC) Energigune situado no parque tecnolóxico de Miñano (Álava), un conxunto de edificios conectados entre si cunha superficie construída de 4500 metros cadrados que foi inaugurado polo lehendakari, Patxi López.
 
O presidente deste centro, José Ignacio Hormaeche, explicou que o almacenamento de enerxía é unha das tecnoloxías "clave" dentro da estratexia enerxética de Euskadi porque no futuro permitirá almacenar os excedentes tamén das enerxías renovables e xestionalas de forma "máis predicible".
 
Así, os proxectos que saian deste centro axudarán a utilizar de forma máis racional a subministración das enerxías ás curvas de demanda.
 
Nun primeiro momento os investigadores centraranse en buscar métodos de almacenamento de enerxía electroquímica e térmica.
 
O reto do CIC de Miñano, destacou o seu presidente, é a xeración de coñecemento a través da investigación que se traducirá en patentes e en novos produtos que beneficiarán ás empresas.
 
Na súa intervención, o lehendakari destacou a importancia deste centro para conseguir un desenvolvemento económico sustentable baseado na ciencia e na tecnoloxía a través de novas bases de coñecemento necesarios para afrontar os retos dunha economía sen fronteiras.
 
López recordou que o sector da Enerxía factura hoxe en día en Euskadi en torno aos 15.000 millóns de euros e dá emprego a máis de 24.000 persoas e resaltou que o almacenamento de enerxía resulta "fundamental" para o futuro viable das enerxías renovables ou do coche eléctrico.
 
Dixo aos asistentes que este tipo de investigación esixe "paciencia" porque constitúe un investimento a "longo prazo".
 
O lehendakari insistiu en que o obxectivo do seu Goberno é que en 2015 o investimento en I+D+i alcance o 3% do PIB e tamén lanzou unha mensaxe aos mozos vascos para que estuden carreiras científicas e tecnolóxicas porque se necesitan "con urxencia" investigadores.
 
O CIC Energigune foi construído cun investimento superior aos 12 millóns de euros e polo momento conta con trece laboratorios.
 
(Fonte: ABC)