Os fondos Next Generation estableceron dous alicerces esenciais polos cales todas as empresas deben apostar. O primeiro, a sustentabilidade e a redución das emisións. O segundo, aínda máis transcendente para sobrevivir hoxe na economía global, o da dixitalización. Con todo, neste último, o reto está moi lonxe de superarse tanto en España como en Galicia. Porque a maioría de empresas pequenas ou medianas da comunidade, a pesar de estar a mellorar as súas actuacións neste sentido, aínda non están a encarar boa parte dos grandes procesos da dixitalización.
O sector dixital pechou 2022 cun balance moi positivo en materia laboral. Nun informe de ManPowerGroup especifícase que de cara a 2025 poden chegar a xurdir ata 97 millóns de postos de traballo novos en IA, economía verde e economía da atención en Europa pola “tendencia de transformación dixital en todos os sectores produtivos e a vontade dos organismos institucionais de dar un empuxón a estas profesións”.
A Vicepresidencia primeira e Consellería de Economía, Industria e Innovación —a través da Axencia Galega de Innovación (Gain) e do Instituto Galego de Promoción Económica (Igape)— e o Parque Tecnolóxico de Galicia (Tecnópole) convocan a segunda edición de Galicia Avanza, un programa de aceleración para a internacionalización de pemes galegas no que poderán participar ata 30 pequenas e medianas empresas innovadoras e/ou de base tecnolóxica.
Un total de 30 empresas innovadoras e/ou de base tecnolóxica de toda a comunidade están a participar no programa de aceleración para a internacionalización de pemes galegas “Galicia Avanza”. Esta iniciativa púxose en marcha como resultado da colaboración entre a Vicepresidencia Primeira e a Consellería de Economía, Empresa e Innovación -a través da Axencia Galega de Innovación (Gain) e do Instituto Galego de Promoción Económica (Igape)- e o Parque Tecnolóxico de Galicia (Tecnópole).
A Aula Newton Galicia, a única que existe en España con carácter permanente, situada no Parque Tecnolóxico de Galicia -Tecnópole-, xa cubriu todas as prazas para a segunda quenda do curso, que se celebrará entre os meses de febreiro a xuño. Dirixida a alumnado desde 2º da ESO a 1º de Bacharelato, esta aula de aprendizaxe de ciencias, tecnoloxía, enxeñaría e matemáticas está destinada a promover as carreiras científicas e tecnolóxicas entre a mocidade cun enfoque totalmente práctico e moi innovador.
Imatia, empresa galega desenvolvedora de software específico en sectores como a moda, o retail, o comercio electrónico ou as administracións públicas, anunciou a súa participación no PERTE-VEC (Proxecto Estratéxico para a Recuperación e Transformación Económica do Vehículo Eléctrico e Conectado) liderado por Stellantis, grupo automobilístico internacional que explota e comercializa, entre outras, marcas como Fiat, Alfa Romeo, Maserati, Jeep, Dodge, Peugeot e Citroen, a través dun proxecto primario denominado Plataforma de múltiples lados.
Sanidade e Medio Rural aliáronse para reducir o impacto da pegada de carbono na construción dos centros de saúde e apostaron pola madeira como solución construtiva. Por iso ambos os departamentos asinaron un convenio a través da Axencia Galega da Industria Forestal e o Sergas para «crear contornas que favorezan a sensación de benestar nos centros sanitarios e impulsar o uso de materias de orixe biolóxica e que se poidan reciclar nas obras públicas».
A visión do longo prazo e a sustentabilidade que defende Endesa faise perfectamente patente en casos como o de Coren. A principal cooperativa cárnica de España asinou coa compañía eléctrica un contrato a prezo fixo e de longo prazo. Tal como explicou Ramón Morandeira, conselleiro e director de Enerxía da firma galega: «Chegamos a un acordo que nos dá unha enorme tranquilidade, e que nos permite dedicar esforzos aos investimentos en eficiencia enerxética, no canto de estar a investir en asumir outros custos».
En poucos anos, a industria dos drons no noso país pasou de ser un mero obxecto de entretemento a converterse nunha ferramenta fundamental de traballo, cun gran potencial de uso. Un dos seus máximos expoñentes, Aerocamaras, conseguiu nos últimos quince anos copar o sector dos drons, colocándose á vangarda do desenvolvemento, formación, subministración de equipos, xestión aeronáutica e servizos profesionais con UAVS.
A mostra itinerante As mulleres que nos levaron á Lúa, impulsada o pasado curso académico (e aínda en activo) pola UVigo e a Deputación de Ourense co obxectivo de promover as vocacións científicas e tecnolóxicas entre o alumnado feminino, tivo continuidade e prolongación no libro Elas leváronnos ao espazo.
A ciberseguridade é un sector en auxe, con ciberataques cada vez máis sofisticados e virulentos, e é que, o 90% das empresas españolas víronse afectadas este ano por algún tipo de ciberameaza. Ante este escenario e, segundo datos do estudo Estado da ciberseguridade en España, elaborado por Secure&IT, máis da metade das empresas (51,3%) ten previsto incrementar o seu investimento para protexerse neste ámbito. Das restantes, o 44% manterán os mesmos niveis que o ano pasado; case un 1% empezarán a investir, e só un 3,8% manifestaron a súa intención de reducilos.
As universidades da Coruña e Vigo alertaron da "abrupta caída" de mulleres matriculadas nas titulacións de Tecnoloxías da Información e da Comunicación (TIC). O reitor da Universidade da Coruña (UDC), Julio Abalde, cualificou de "baixísima" a porcentaxe de mulleres que cursan o grao de Enxeñaría Informática en Galicia, "12%" precisou.
