Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Glecex desenvolve produtos que desinfectan sen alcol, ademais de hidratar e rexenerar a pel

Global and Ecofriendly Natural Extracts (Glecex) é unha start-up de biotecnoloxía fundada en 2013. Situada no Parque Tecnolóxico de Galicia, ofrece servizos avanzados de alta innovación e tecnoloxía a empresas do sector agroalimentario, cosmético e de nutracéuticos -produtos naturais nutritivos e con efectos positivos na saúde-. Foi unha das 20 pemes seleccionadas para o programa Connect-19, a aceleradora de empresas especializada na comercialización de solucións innovadoras fronte ao impacto da COVID-19, impulsada pola Xunta e Tecnópole.

En marcha o campamento tecnolóxico de verán que promove Tecnópole

O Parque Tecnolóxico de Galicia -Tecnópole- promove a IX edición do campamento tecnolóxico de verán T2W -Tecnópole Technological Workshops-, en colaboración coa Consellería de Economía, Empresa e Innovación da Xunta de Galicia. Púxose en marcha o 5 de xullo e prolongarase ata o vindeiro día 16.

Esta iniciativa forma parte da aposta de Tecnópole pola divulgación científica de calidade entre os máis novos. Nela están a participar un total de 25 rapaces de entre 12 e 18 anos. O campamento celébrase de luns a venres, en horario de 10:00 a 18:00 horas.

A Xunta reforza os plans de investigación das universidades da Coruña e Vigo con máis de 9,3 millóns

O presidente da Xunta, Alberto Núñez Feijóo, comunicou a posta en marcha dun novo reforzo dos programas de investigación avanzada das universidades galegas, coa aprobación dunha inxección de 9,3 millóns de euros dirixida ás universidades da Coruña e Vigo. Dous convenios aos que se sumará, posteriormente, o da Universidade de Santiago.

O eucalipto segue a acaparar o 58% das cortas de madeira en Galicia

Máis de nove millóns de metros cúbicos de madeira aproveitou Galicia o pasado ano, segundo os datos facilitados pola Xunta a través da nova plataforma web na que se colgou toda a información relativa ao sector forestal. Desta cantidade, un 58% correspóndese co eucalipto, especie esta que, aínda que segue a copar a actividade forestal da comunidade, mantén unha tendencia á baixa desde 2018.

O Goberno conxela a admisión de proxectos para parques eólicos mariños

O Ministerio de Transición Ecolóxica activou o botón de pausa e decidiu non aceptar máis solicitudes para instalar parques de eólica mariña no país. Nunha disposición adicional ao real decreto polo que se adoptan medidas urxentes no ámbito da fiscalidade enerxética e en materia de xeración de enerxía co fin de abaratar o recibo da luz, o departamento de Teresa Ribera estableceu que «até a aprobación dun novo marco normativo» non admitirá nin máis peticións de reserva de zona nin tampouco solicitudes de autorización administrativa para granxas mariñas.

O proxecto vigués do coche conectado xa é realidade: entra no PERTE da automoción

Os fondos Next Generation, articulados pola Comisión Europea para rearmar a economía comunitaria tras o envite da pandemia, concibíronse como o mecanismo que vai financiar a transición definitiva da industria cara ao futuro. O camiño da neutralidade de carbono, da plena dixitalización ou a electrificación do transporte.

A crise dos microchips durará ata 2022 e esixe solucións

Un estudo elaborado pola consultora Bain & Company asegura que a crise da escaseza de microchips semicondutores, que está a afectar á maioría dos fabricantes de vehículos en todo o mundo, durará como mínimo até 2022 e serán necesarios miles de millóns de euros para solucionala. O traballo asegura que, a pesar dos grandes investimentos que se anunciaron e ao apoio institucional, a curto prazo, as opcións que existen para resolver esta complicada situación son “moi limitadas”.

Futuras crises

Drons para reparar as fochancas da estrada

A Universidade de Vigo (UVigo) lidera o proxecto internacional Infra-Rob, a partir do que busca empregar solucións robotizadas autónomas para o mantemento da integridade, rendemento e seguridade das infraestruturas viarias e, con iso, reducir a sinistralidade existente en tramos con obras, tanto de traballadores como de condutores.

O “hub” de innovación dixital DATAlife buscará que Galicia sexa una biorrexión de referencia

O vicepresidente económico da Xunta, Francisco Conde, reuniuse co “hub” de innovación dixital DATAlife co obxectivo de avanzar no desenvolvemento desta iniciativa centrada nos sectores primario, biotecnolóxico e da saúde.

Mil proxectos de dixitalización para piares estratéxicos da economía

Despois dun ano e medio de pandemia, o mundo empeza a espertar dun letargo, e faino completamente transformado, tamén a nivel económico. Galicia non é allea á nova etapa que se abre e, por iso, a Xunta impulsou un programa que funcione como puntal para a recuperación da actividade e a mellora competitiva dos ámbitos produtivos máis afectados no actual contexto. Por este motivo, porá especial énfase nos sectores téxtil, de construción naval e da automoción.

Efectos económicos da Covid-19 nas pemes españolas

A crise provocada pola Covid-19 afectou principalmente ás pequenas e medianas empresas de España e, máis concretamente, ás microempresas e ás que teñen unha antigüidade inferior a 10 anos. Tendo en conta que as pemes son o motor da economía, o Consello Xeral de Economistas de España (CGE) e a Fundación para a Análise Estratéxica e Desenvolvemento da Pequena e Mediana Empresa (Faed peme), coa colaboración da Cámara de Comercio de España, elaboraron o informe sobre o impacto económico da Covid-19 sobre a peme en España.

Impacto no emprego

Javier Taibo Gallego, novo director xerente de Tecnópole

A Consellería de Economía, Emprego e Industria da Xunta de Galicia -institución que preside a sociedade xestora do Parque- acaba de nomear a Javier Taibo Gallego novo director xerente do Parque Tecnolóxico de Galicia -Tecnópole-, en substitución de Ricardo Capilla.

Páxinas