Un grupo de enxeñeiros da Universidade Politécnica de Valencia inventou un carro da compra 'intelixente', que identifica os produtos só con introducilos nel, polo que reduce o tempo empregado no supermercado e facilita o proceso da compra.
Investigadores do Instituto Wyss de Enxeñería Inspirada Bioloxicamente na Universidade de Harvard desenvolveron un novo material que imita a excepcional forza, resistencia e versatilidade dunha das máis extraordinarias substancias da natureza, a cutícula dos insectos.
A aplicación española do portal Minube.com foi elixida por Apple como a Mellor Aplicación do ano para iPhone en España. Trátase dunha web social de viaxes, creada por emprendedores españois co seu propio capital e foi o único premio conseguido por España.
As patentes son obxecto de eterna discusión, tanto polo rexistro de métodos que parecen moi comúns coma polo uso destas para atacar a competencia. Pero hai outro capítulo neste tema: as patentes que, orixinalmente, parecen carecer de sentido. Unha consola de xogos para urinarios masculinos e un sistema para envellecer arquivos dixitais poderían ser exemplos diso.
Un micrómetro é unha milésima de milímetro, e esa escala ten un minúsculo motor de vapor, de tipo Stirling, que construíron uns investigadores alemáns. E funciona, malia que non as tiñan todas consigo, porque sabían que unha tecnoloxía que funciona a grande escala pode provocar problemas cando se reproduce a pequena escala.
Tecnópole volveu ser referente en 2010 do Programa de Cooperación entre Parques Industriais e Tecnolóxicos (COPIT), despois de que a súa experiencia de colaboración cos polígonos de San Cibrao das Viñas (Ourense) e Sabón e Bergondo (A Coruña) fora elixida xa en 2009 como caso de éxito entre todas as levadas a cabo en España.
O próximo 13 de decembro terá lugar en Tecnópole a xornada de brokerage ‘Innovar con éxito’, organizada no marco da Rede REAL co obxectivo de conectar as necesidades das empresas do sector alimentario coa oferta científica e tecnolóxica dos centros de coñecemento da Eurorrexión Galicia-Norte de Portugal. O prazo de inscrición está aberto ata o día 9 de decembro utilizando esta folla de inscrición.
O dispositivo iKinect, que permite controlar o ordenador cos nosos propios movementos sen necesidade de usar o rato e o teclado, foi o gañador absoluto da 'Galiciencia 2011', celebrada en Tecnópole entre o 23 e o 25 de novembro. Este proxecto foi o vencedor na categoría de 2º ciclo da ESO e gañador absoluto por impoñerse en puntuación aos dos outros dous equipos gañadores nas categorías de 1º ciclo da ESO e Bacharelato. Martín Alvarez, Adrián González e Luis Rodríguez, do IES O Couto (Ourense), adaptaron a cámara da videoconsola Xbox para que permitise unha interacción total do usuario cos controis de calquera ordenador.
A Asociación de Parques Científicos e Tecnolóxicos de España (APTE) participa como entidade promotora en Transfiere, o primeiro Foro Europeo para a Ciencia, a Tecnoloxía e a Innovación, que se celebrará o 8 e o 9 de febreiro de 2012 no Pazo de Feiras e Congresos de Málaga (Fycma).
Hospitais máis eficientes, que consuman menos enerxía, cun maior respecto polo medio ambiente, con menos camas e máis tecnoloxía e centrados no paciente. Así planean a Xunta e o Goberno que poderán ser os hospitais do futuro.
A Comisión Europea aprobou propoñer aos Estados membros un aumento de investimento en investigación, desenvolvemento, innovación e competitividade no período 2014-2020 ata alcanzar os 80.000 millóns de euros (no seu valor actual).
A Xunta incrementará un 37%, ata os 4,8 millóns de euros, os fondos do programa Innoempresa, destinado a fomentar a innovación nas pequenas e medianas empresas (pemes), segundo avanzou o conselleiro de Economía e Industria, Javier Guerra.
