A automoción galega deseña un coche virtual para vender pezas

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

O clúster galego da automoción, Ceaga, pretende situar o sector nunha posición de liderado competitivo a nivel global no horizonte 2025, que é a data que se fixaron para despregar a folla de ruta do plan estratéxico. Con ese obxectivo promove proxectos cooperativos entre as 115 empresas que o integran, con PSA como tractora.

Un dos últimos nos que se embarcou é o deseño e desenvolvemento dun vehículo virtual que permita mostrar as capacidades tanto produtivas como tecnolóxicas dos socios.

Fontes do clúster afirman que será unha ferramenta valiosa para toda a cadea de valor, pero de forma especial para as industrias medianas e sobre todo pequenas. Entenden que, por tamaño, son as que máis problemas poden ter para saír ao exterior. E é que o que se pretende, segundo explica un portavoz do clúster, é que o novo soporte sirva de panca para axudar no proceso de internacionalización, indispensable para seguir crecendo.
.
Hai que ter en conta que se ben a industria de compoñentes dependeu durante moitos anos practicamente dos pedidos de Citroën, hai case dúas décadas que deixaron de practicar o monocultivo. Foi o grupo galo o que lles abriu as portas de Europa, primeiro nas súas propias plantas para logo dar o salto a outras marcas. Agora, segundo os datos que manexa Ceaga, PSA non copa máis que un terzo da produción das auxiliares no cómputo global. Outro terzo véndeno ao resto das marcas construtoras instaladas en España, e o último terzo destínano á exportación. Convencidos de que esta última pata ten que seguir ganando terreo, pretenden que o futuro coche virtual, no que se utilizará a realidade aumentada, xogue un papel importante. Conséguese así enriquecer o mundo real con información dixital.

Lista antes do verán

Ceaga prevé que a nova ferramenta, que porá a disposición das empresas para que a usen nas súas presentacións comerciais, estea lista antes do verán. Poderán acceder a ela tanto desde a propia web do clúster como en formato app desde calquera dispositivo móbil. Para garantir que cumpre coas expectativas dos provedores de automoción galegos, creouse un grupo de traballo de empresas do clúster que será o que supervise e valide o avance do proxecto.

Un dos principais motivos polos que Ceaga apostou por esta innovadora solución é que poderá dar resposta á problemática das ferramentas comerciais tradicionais. Así, ao tratarse dun sistema virtual e non físico ofrece grandes vantaxes en termos de flexibilidade: evita molestas complicacións de espazo e elimina custos derivados do traslado. Segundo datos da patronal Asime, a automoción galega facturou o pasado ano 8.658,6 millóns de euros e proporciona emprego a 18.630 persoas.

(Fonte: La Voz de Galicia)